أَماني العَقيق (البقاء للأقوى)

- البـارت الاول 🔱

بـ ِقَلمـي أنـا - أَمارِلَّس -
رِوايـة ( أَمـاني العَقيق البَقاء للأقـوى )

📌 فاتِنـات ماريد فـشار او كلام جريء ما يليـق بيكم خليـنا نكـون حبابين ونخلـص القصة على خير و واعدكم راح تحبـوها

📌 اي شـعر او عبـارة راح تنـضاف للقصـة اني كاتبتها

قَبل كُل شي صَلـوا على النبي مُحمد

📌 تصـويتات + تَعليقـات تَقـديراً لتَعبـي

- البـارت الاول 🔱

بـداية الحكـاية

چنت نايمة وصحـيت على صوت صـياح بالشـارع
طِلعت واني افـرك بـ عيوني لگيـت اهلي طالعـين قبلي رحت وراهم واسمـع رِجال يحچي
:- لازم تـشيلون من المكان لأن مستثمـرينة و راح يصـير مشروع

ما چنت افهـم شي لكن هل كـلمات چانت كَفيلة أنُ ترسم الحيـرة على وجِه أهلي دِخلـوا واني دِخلت وراهـم امي بسـرعة اخذت تلـفونها وأتصـلت علـى جـدي

جواهر: انطـيني بَس غُرفة وحدة مِن البيت نشـيل بي يمـا نـدَبر ارواحتنا اني وبنتي وزوجي

محمد:- تمـام
رِحنـا لبيـت جدي وچانت الوجوه راضيـة نوعاً مـا لَكن ما استمـر هَل شي، ورة ايام بدة يطـلع سمهم

گامـوا يحاربون أهلي  ، أمي چانت حـامل بـ أختي فَي

وانصدمنا من جـديتي من گامت تدز خالي علمود يِفصل علينا الكهرباء علمود لا نشـغل تدفئة

الجو شتـاء بَرد قارص بـ معنى الكلمة البـرودة تدگ بالعظم  ، چنت احـاول اعيش حياتي طبيـعي واطلع اريد العب ويا الجِهال ونـسوان خـوالي يمنعني العب وياهم

رغم چنت كُلش احبهم بس مَرت خالي اذا تشـوف أبنها عبد الرحمن يـلعب وياي تـضربة وتمنعة يوصلي لـ درجة تحبسة بالغرفة علمـود لا اللعب ويا

وتلزمني تضـربني و تگصرني بـ زندي
سهى:- روحـي لامچ ميحـبوچ لا تلعبين وياهم

عَدت هذهِ الفترة بالگوة وامي بِدت تطلگ
اسـوء ايام تمُر على امي لا خواتهـا وياها ولا امهـا وياها چانت وحيـدة بـلحظة ولادتها رُغم هنة وياها بـ نفس البيت

أجـة خالي الصغـير حسين واني اشهگ بالبچي
يَمـامة : اريـد اروح وياهـا

اخذني حسـين ويا ورحنـا للمستشـفى
ضلينا ننتظر امي يمـا ولدت، المرة طِلعت شايلتها وتهوس بيهـا وهية تضحك