أَماني العَقيق (البقاء للأقوى)

- البـارت الثامن 🔱

بِقَلمـي أنـا - أَمارِلَّس -
رِوايـة ( أَمـاني العَقيق البَقاء للأقـوى )

📌 فاتِنـات ماريد فـشار او كلام جريء ما يليـق بيكم خليـنا نكـون حبابين ونخلـص القصة على خير و واعدكم راح تحبـوها

قَبل كُل شي صَلـوا على النبي مُحمد

📌 تصـويتات + تَعليقـات تَقـديراً لتَعبـي

- البـارت الثامن 🔱

- يَمامة

مـارديت عيوني گامت تقفل وحدها من التوتر وايـدي ترجف بطني مغصـتني فـد مرة راودنـي شعور مـحلو عضيت شفتي بـ توتر من سمعتة يكرر سؤالة للمرة الثانية هَم مارديت
سمير:- يلا بنتي احچي

يَمامة:- نعم وانتَ وكيـلي

رجـع كرر السـؤال على آركان
آركان:- نعم وانتَ وكيـلي

الشيـخ:- سـورة الفاتحـة

قـريتها و كلهم قـروهـا
الشيخ:- لقـد اعلنتكم زَوج و زَوجة

اتعـالت اصوات الهلاهل نزلت راسي مبـتسمة
صـديقتي تمـارة چانت موجودة هيَ و عائلتها طگتهـا بهلـهولة  ، فرحتِ چانت ناقصة لأن آمنة ما موجودة بسبب طبيعة اهـلها مايقبلون البنية تطلـع مكان غير المدرسة

اجتِ تمارة تاخذلي صور و اني كل شوية مسـوية حركة شِكل خبلـتها وهيَ مبتسمة عادي

اجني البنـات سحبن المسكة من ايدي
:- نصور بيها

يَمامة:- ايع شگد قديمات

ضحكـن واخذنها الدي جي مشتغـل و كل شوية يغيـرون الاغنية والبنات يعيـطن واني اضحك عليهم

بـدت الناس تـطلع مابقى احد غير عائلـتنا و عائلة آركان

دِخـل آركان وگف يَمي وسحبني باسني بـراسي وهوَ مبتسم
آركان:- مبروك عنوني

ابتسمت وسكتت حـط بأيدي فـلوس ملفوفات بشِكل حلو وبيهن وردة وطلـع

اجتِ جيهان يمي تستفسر
جيهان:- ليش امة ما جاية؟

يَمامة:- خطية اخـو الچبير مرتة ولدت وبقت يمها تداريها لأن ماكو احد وشي ثاني خـالاتة ما مقصرات وهيَ مرة چبيرة مابيها حيل

سكتت وماحچت شي ضليت اسحب نفس بتوتر شلون اخترعت سالفة بـ هل السرعة؟ بس اكيد ماخليها تنغص فرحتي وبعدين اگول لـ آركان

اجني هدى و روان
هدى:- خلي البـس البدلة؟

ابتسمت على حماسها حچت روان
روان:- اني وراها

هـزيت راسي ذبيتها ولبست شي خفـيف وضليت گاعدة بالصالة وهنة يصـورن

فات حَمد من شافهن صِرخ
حَمد:- يـابوية تطشـر العـرض