أَماني العَقيق (البقاء للأقوى)

- البـارت الثالث 🔱

بـِ قَلمـي أنـا - أَمارِلَّس -
رِوايـة ( أَمـاني العَقيق البَقاء للأقـوى )

📌 فاتِنـات ماريد فـشار او كلام جريء ما يليـق بيكم خليـنا نكـون حبابين ونخلـص القصة على خير و واعدكم راح تحبـوها

قَبل كُل شي صَلـوا على النبي مُحمد

📌 تصـويتات + تَعليقـات تَقـديراً لتَعبـي

- البـارت الثالث 🔱

- يَمامة

چنت ابچي واحچي خايفة عليَّ دفعنـي ورجع عليَّ يضربة
حَمد:- ولك احچي حسين چنت تشربببب؟

ما انطة مجال لـ حسين يحچي كل شوية يضربة راشدي موتة تركة ورجع عليَّ

ضـربني وگعت بالگاع واباوعلة مصدومة حچة گاز على اسنانة من الغضب
حَمد:- تحچين لو ادفنچ هنا؟

رفعـت الباكيت الي بـأيدي و اشوفة
يَمامة:- والله چنة نشـرب حليب شبيك هاك شوف هـذا حليب

فَـر وجهي بـراشدي اقـوى وگال
حَمد:- يگعد ابويَّ و يصير خير

دِخـل للبيت وانـي رحت اركض لـ حسين وايـدي تـرجف تقـربت اريد احضنة دفعني و ركض!

عـرفتة شـرد
ضليت ابـاوعلة يـما اتختفى أثـرة من الشـارع و دموعي تنـزل تچوي خَـدي
يَمامة:- اتفقنا نشـرد اني وياك خـالو ليش رحت و عفتني؟

خليتني بـ بداية الدرب وانـة بـروحي مخليتك
لـ أَمـارِلَّس

گعدت بنص الشارع بلكي سيارة تجي و تسحگني واخلص من كُل هـذا ،
ضليت اهون على روحي واگول ميخـالف اهم شي ما اعتـرفت عليَّ

لـ فترة طويلة گاعدة بنص الشارع بس محد اجـة لأن الوقت متأخر جمعـت شتات روحـي وكسـرتي و دِخلت للبيت

ضليت افـكر بـ حَمد شحالة هسة واهلة محـاربي بالليحبها، لو حسـين الي شرد ومادري هسة اراضيه وين؟ عايش؟ ميت؟ يا مكـان لمة؟ ياكل يشرب؟؟

وسـط زحمة افـكاري والهوسة
ضمـيت روحي بفراشي وغفيـت  ، گعـدت الصبح طلعت للـحوش گعدت بالگاع واني ابـاوع على الشمـس شلون تشـرق

شوكت تشـرق لـ حياتي وتنقذها من عتمتها؟
بـاوعت لـ شجرة العـنب چانت حيـل چبيرة مغطيـة الگراج كُلة

حاولت اتسـلقها واخذ عنگود بس ماگدرت حيل عـالية صـعدت للطـابق الثاني من ذيـچ الصفحة اسهـل

دنگـت راسي اريد التقط واحـد وفجـأة انسحـبت من ايـدي

باوعتـلها بـ غضب مصدومة من جرأتها ثـواني وماحسـيت الة خـدي خِدر، من ضربتهـا گرصتني بأيدي وگالت
سهى:- شتـسوين هنا يالبـواگة؟؟