أَماني العَقيق (البقاء للأقوى)

- البـارت السادس عَشر 🔱

بقلمي انـا - أَمارِلَّس -
رِوايـة ( أَمـاني العَقيق البَقاء للأقـوى )

📌 فاتِنـات ماريد فـشار او كلام جريء ما يليـق بيكم خليـنا نكـون حبابين ونخلـص القصة على خير و واعدكم راح تحبـوها

قَبل كُل شي صَلـوا على النبي مُحمد

📌 تصـويتات + تَعليقـات تَقـديراً لتَعبـي

- البارت السادس عشر

- يَمامة -

تقـدمت لـ باب الغُرفة مـديت راسي شوية اشوفة موجود لو طالع ما لگيتة...

صوت بداخلي يگلي روحي يَمامة طلعي و نقـذي نفسـچ لو تبقيـن يمة يسـوي بيچ مثل أَخـر مرة نقـذي روحچ قبل لا يجـي

نزلت امشـي على أَطراف اصابعي الكُل ملتهي بـ ترميم البيـت وگفت بـ باب الگراج و سرعت خطواتي للبيت مترددة بعدني ما واصلة للصالة و رجع الصـوت يتردد بعقلي زُفرت نفس بـ حيرة و طلعت

ردت البس نعـال برجلي بـس أَكيد يحسون وگفت بالبـاب و عيوني تتجول بين الشارع و البيت

لازم تنقذين روحچ يَمامة هـاي فُرصتچ ركضت بـ كُل سـرعتي واني ابچي و قطرات النـدى تتناثر على خـدي و ترشقة بـ مايها

اختلـط المُطر ويَ دمـوعي صدري گام يوجعني البـرد گصني گص أَركض و ابچي متجاهلة كُل الأَصوات الخلفـي
- هـاي شبيها لزموها، شنو مخبلة؟

سرعت ركضـتي يما وصلت لمنطقتنا شفت اصـدقاء حمد گاعدين عالگين جمرية و متحـشدين حوالها و السقيفة فوگـاهم روحي تعلگت بيهم كُل ضني حَمد وياهم

طحت بنصهم انـاشغ واصيح
- وين حَمد وين خالي؟

شافنـي صـديقة لزمتي و ركض بية لبيتنـا و هوَ يباوعلي مدهـوش من منظـري گام يدگ بالباب و يباوعلي بخوف ويرجع يدگ بالباب أَقوى واني ابچي

فتحت البـاب أَمي ارتميـت بحضنها انـاشغ وهيَ تدور بوجهي و تتسائل بقلق على سبب وضعـي هذا طببتني للبيت خالتي گاعدة و تَميم و البنـات الكُل تجمهـر حولي و صاروا يتسائلـون بقلق سولفـتلهم كُلشي واني انشـغ انـدفر الباب و فـات آركان يباوعلي بغضـب و عيونة تجـدح

جـرني من بينهم من ياختـي و سحبني قـوي دفعتة وگعت بالگاع وهوَ بعدة لازم ياختي خالتي و تَميم يتلاوون وياه يـردونة يتـركني وهوَ يفشـر أَعصاب

فـات حَمد يـركض بيدة رشاشة لطمت امي على صدرها وصرخت
جواهر:- ولكك يمةةة حمدد لا تفجعني اتـرك الي بيدك