أَماني العَقيق (البقاء للأقوى)

- البـارت الرابع 🔱

بِ قَلمي أنـا - أَمارِلَّس -
رِوايـة ( أَمـاني العَقيق البَقاء للأقـوى )

📌 فاتِنـات ماريد فـشار او كلام جريء ما يليـق بيكم خليـنا نكـون حبابين ونخلـص القصة على خير و واعدكم راح تحبـوها

قَبل كُل شي صَلـوا على النبي مُحمد

📌 تصـويتات + تَعليقـات تَقـديراً لتَعبـي

- يَمامة

انطيتهـا التلفون و طلعت من الغـرفة مصـدومة صاحتني امي انطتني صينية من الثواب الطابخي وگالت
جواهر:- اخـذي اكلي انتِ وصديقتچ خاف جوعانة خطيـة

هـزيت راسي واخذت الصينـية منـها

قبل لا افتح البـاب اسمعها تحچي
اسرار:- معليك والله تشگ شگ هيَ بس عيونها كافية

وصوت شخـص ضاحك
:- وانتِ شبيچ اليوم

اسرار:- غير شفت ابويَّ ردت انجلط
فتحـت البـاب اتـوترت هيَ و وجهـت الكامـرة عليَّ

يَمامة:- شدتـسويننن؟؟

انبـلع لسـانها حچت بـتوتر
اسرار:- شمسـوية؟

يَمامة:- ما مسوية شييي خطية فاتحة كام ويَ مادري منو نوب توجهيها عليَّ

اسرار:- يلا اعتـذر راح اسـدة

يَمامة:- انتِ وين چنت اليوم؟ وليش لابسة ملابس مدرسة اليوم مو عطلة!

حچت بـ برود
اسرار:- متـواعدة ويَ عبدالله

رديت بـ نبرة استغراب
يَمامة:- عبدالله منو؟

اسرار:- واحد يشتغـل بـشارع ** اذا صحتـلنا الفُرصة نروح اشوفچ ياه وتعرفي

يَمامة:- لا اريد اروح ولا اريد اشوفة، كملي شصار؟

اسرار:- اجـة هوَ وصديقة آركان شسولفلـچ عليَّ ولچ يخبل يخبل الطول والهيبة والشكل

طـول ماهيَ تسولف اني مشخصـة عيـوني عليها و اباوعلـها بـ قرف صدگ تحچي هاي؟ هيَ تسولف واني كُل ماريد اتخيـلة تجي صـورة ابويَّ گبـالي
يَمامة:- ما تستحين على نفسچ؟ تخسـرين ثقة ابوچ واخوانچ و امچ بسـبب واحد مثل هذا؟ ومبين يضحك عليچ لو مايضحك عليچ چان ما التقيتوا بالسر!

اسرار:- دروحي هسة اني شمسوية ساعة السودة طلعت نوب جيت اتخـربط من شفت واحد يشبه ابويَّ يباوعلنا الة شوية چان بچيت گتلهم هسة ترجعـوني گالولي ما صار وقت الحلة گلت اروح لـ صديقتي يَمامة

گـلت بـ گلبي
:- انعل ابو هيچ صداقة

ضليـنا گاعدين لـحد ما صار وقت الحلة
اسرار:- اني راح اروح

هـزيتلها براسي وطلعت وراها طلعت وسديت الباب وفتت للبيت مداستوعب هاي كُل عقلها؟

ثـاني يوم چان عدنا دوام اندگت الباب فتحتها طلعت هيَ
يَمامة:- هلا بيچ تعاي فوتي