أَماني العَقيق (البقاء للأقوى)

- البـارت الخامس 🔱

بـِ قَلمي انا - أَمارِلَّس -
رِوايـة ( أَمـاني العَقيق البَقاء للأقـوى )

📌 فاتِنـات ماريد فـشار او كلام جريء ما يليـق بيكم خليـنا نكـون حبابين ونخلـص القصة على خير و واعدكم راح تحبـوها

قَبل كُل شي صَلـوا على النبي مُحمد

📌 تصـويتات + تَعليقـات تَقـديراً لتَعبـي

- يَمامة

ضلت تشـكرها فرحانة واحنا تلقائياً فرحانين على فـرحتها چنة نجهز واندگ الباب
نازك:- اني راح اطـلع

طلعت شوية وجتني تـركض
يَمامة:- شكو منو على الباب؟

نازك:- راح اگلچ بس ما تگولين لأحد

هزيت راسي استمعلـها
نازك:- ثنين ولـد ملثمين ولابسين اسـود واگفين بالقطعة السودة گتلهم اتفضلوا گالوا مو انتِ المقصودة 

يَمامة:- لا تخلين ببالچ امشي نـفوت

هـزت راسها ودخلـنا وبعد ايام نسينا السالفة وماخلينا ببـالنا

بيـوم من الايام گـاعدة وصاحت نازك
نازك:- يَمامة جيبيلي القُماشات اللي على الحبل

چـان الوقت متأخر طلعـت سحبـتهن من الحبل
ثـواني صار ضوة اخضـر على ايدي صـرخت وصرت افـرك بيها احتـرگت!!

اجـاني صوتها القـلق
نازك:- شبيـچ يَمامة

انداريت عليها واني لازمـة ايدي طلعت فَي وراها تـركض ووجهـة مخطوف

لزمت ايدي وهيَ تحچي بخوف
نازك:- شبيچ شصار؟؟

يَمامة:- مادري اكو شي حرگ ايدي ماعرف شنو!!

فجأة راس انـمد من الحايط واحنا وحدنا اني و نازك و فَي

يَمامة:- ولـچ يمةةة

دخلـنا كُلنا نـركض للبيت مخطَوف لونة منو هذاا؟؟
عزيز:- شكو شبيـچن عليمن هل صـراخ!

سـولفتلة كُلشي ضحك بخـفة وگال
عزيز:- متوهـمات حبيباتي تتخايلن ماكو شي

طـلع يشوف شوية ورجع
عزيز:- كلشي ماكو

نازك:- عمو ثلاثتنـا شفنا قابل نتخيـل كلنا؟

يَمامة:- اي والله حتا ماعرف شنو حرگ ايدي وصرخت وطلعن هنة

فَي هزت راسها تأكد كلامي
فَي:- طلعنا نشوف شكو وراس انمدت من الحايط، يمة گلبي راح امـوت

راحت تمددت وحاطة ايدها على گلبها من الهبـطة، صرنا نخاف نطلع للـكراچ واذا ردنا نروح للتواليت لازم كُلنا نطلع وحدة تحتمي بالثـانية