أَماني العَقيق (البقاء للأقوى)

- البـارت السابع عشر 🔱

بقلمي انا - أَمارِلَّس -
رِوايـة ( أَمـاني العَقيق البَقاء للأقـوى )

📌 فاتِنـات ماريد فـشار او كلام جريء ما يليـق بيكم خليـنا نكـون حبابين ونخلـص القصة على خير و واعدكم راح تحبـوها

قَبل كُل شي صَلـوا على النبي مُحمد

📌 تصـويتات + تَعليقـات تَقـديراً لتَعبـي

- البـارت السابع عشر

- يَمامة -

شگ تيشيرتي و صار يطبع بوسات على صدري تخبلت نار سعرت بية روحي تنشال و تنرگع بقيت اشهگ لكن شهگاتي مكتومة بسبب ايـدة دموعي تنزل على أيـدة كُل هذا و هوَ فاقد و مقيدني بأيدة عبالك بسناسـل ثواني وسمعت صوت صيحة
- هاي شكـو هنا؟؟

انجـر مني وگعت بالگاع اشهگ والم التيشيرت على جسمي العـاري رجلية ماتن ماگدر اتحـرك
جيهان:- ولك مازن شسويت انتَ شسويت؟؟؟؟

ضربها راشدي و دفعها على الحايط، همس بدنائة
مازن:- هيَ اجتني برجليها

يَمامة:- ولكككك كلببب لو جايتك برجلييي ابجي بين ايدك

جيهان تباوعلي صرخت بوجها
يَمامة:- والله مو اني اجيت هوَ جرني غصب

جيهان:- انتَ القـذر هيچ سويت اليوم افضحك و اخزيك

اباوع عليهم روحي منتهية و عيوني منفوخة من البچي گوا اجر النفـس فجأة سحب خنجر من بنطرونة و سحبها مخلي الخنجر على رقبتها شهگت لوني انخطف راح يذبحها ركضت لزمت أيدة وخايفة خاف يتحرك الخنجر و ينحرها

يَمامة:- والله مانحچي شي مازن عوفها راح نسكت والله

مازن:- اذا طلع حرف من عدچن ثنينچن تعرفن شسـوي...

لزمت ايدي و سحبتني وياها طلعتني من الترك راحت جابتلي تيشيرت واني بس شهگاتي تنسمع و دموعي ما توگف لزمت وجهي و گالت
جيهان:- لا تخافين ما صار شي

هزيت راسي اي و دموعي بعدها تنزل سحبتني دنطلع من الغرفة صاح
مازن:- وين رايحات؟

جيهان:- ننام يم امي

مازن:- هنا ناموا

يَمامة:- لا ننام هناك و ما نحچي صدگني ما نحچي شي

مازن:- جاي اگول هنا ناموا

باوعت لـ جيهان هزتلي راسها تطمني جابت فراش و اتمددنا و هوَ گاعد مقابيلنا و اني كل شوية ادثر روحي بالغطة خاف يشوف جسمي ماگدرت اغفى اتخيـل بس اغمض عيوني هوَ يذبحها لأن شافت عملتة  ، الحمدالله نقذتني بـ أخر لحظة يارب الحمدالله