أَماني العَقيق (البقاء للأقوى)

- البـارت الثالث عشر 🔱

بقلمي انـا - أَمارِلَّس -
رِوايـة ( أَمـاني العَقيق البَقاء للأقـوى )

📌 فاتِنـات ماريد فـشار او كلام جريء ما يليـق بيكم خليـنا نكـون حبابين ونخلـص القصة على خير و واعدكم راح تحبـوها

قَبل كُل شي صَلـوا على النبي مُحمد

📌 تصـويتات + تَعليقـات تَقـديراً لتَعبـي

- البـارت الثالث عشر

- يَمامة -

فزيت و الشهـگة ببلعومي
- لا لا مُراد عوفها لميس خطية خطية

حسيت بـ ايد ناعمة تمسد على خـدي و راسي ضليت صافنة يعني هيَ ما ميتـة؟

گمزت و حضنتهـا اشهگ وابچي مچلبة بملابسها قوي و حاضنتها
لميس:- اسم الله اسم الله لا تخافين حبيبتي ماكو شي هاي اني يمچ كلشي مابية والله.

ابتعدت عنها اتفحص وجها رفعت راسها اشوف رگبتها
- صدگ مابيچ شي مجاي احلم يعني ماذبحچ، گرصيني گرصيني شنو حلم هذا

لميس:- ما سوالي شـي من شافچ أَغمى عليچ عافني و راح يركض يصحي بيچ

- الحمدالله من وگعت بـ هاي اللحظة انهد حيلي.

لميس:- تدرين شگد صارلچ وانتِ فاقدة؟

بـ استغراب
- شگد؟

لميس:- يومين عدل

- عزااا ولا حاسةة

- شبه غيبوبة.

- آركان وين؟

- لـو اسولفلچ شصار!

- احچي شكو

- آركان اجة و لـگاج متمددة بـ الگاه صار عنـدة انهـياررر لچ عبالك عاصفة احتـلت بيتنا حتا اني كتلني

- عزااا وانتِ شدخلچ!!

- مُراد بين ايدي دمرة من الكتل و محد يگدر يتدخل وياهو الي يصير حاجوز بيناتهم ينكتل

غمضت عيني بقهـر فوگ ما راد يذبحها صارت حاجز بينة و بين آركان حتا لا يموتة

- كملي؟

- ولچ حتا ساهرة حصلت دفرة على گلبها وهسة هيَ تاركة البيت خذت ادم و وردة و راحت

- يا يا يا هاي شصاير انهجرنا وعلي

- اي ولچ دخلي اكمل