أَماني العَقيق (البقاء للأقوى)

- البـارت السابع 🔱

بِِقلمـي أنـا - أَمارِلَّس -
رِوايـة ( أَمـاني العَقيق البَقاء للأقـوى )

📌 فاتِنـات ماريد فـشار او كلام جريء ما يليـق بيكم خليـنا نكـون حبابين ونخلـص القصة على خير و واعدكم راح تحبـوها

قَبل كُل شي صَلـوا على النبي مُحمد

📌 تصـويتات + تَعليقـات تَقـديراً لتَعبـي

- يَمامة

ضلن يحچن وياي هواية ارتاحيت نوعاً ما من كلامهـن أنتظرت لليـل واني افكر

فتحت تلفوني ودخلت على حسابة كتبت واني حاسمة قراري
يَمامة:- آركان اني موافقـة

ذبيـت التلـفون بدون ما اشـوفة رَد او لا ورحت يم
البـنات

-

نازك شـادة عطـوبها الصُفـر وتنضف

كـل شوية صايحة
نازك:- يبـوو انـدثرنة البـيت معفن

امـي تطبـخ وتـرتب بالمطبـخ نفس الـوكت فـاتت فَي تـركض وراهن وهيَ تصيح
فَي:- يـمعودات وحـدة بيچن تجـي تشـرحلي باچر عندي امتحان رياضيات

ضـلت تگمـز بقهـر لأن ماكو احد يـدرسها
دِخلت لغـرفتي وفتحت الكنـتور ادور بـ عيوني على شـي يلـوگ لـهل مُناسبـة استقـرت عيوني على فُسـتان ابيـض بيه ورد لـون اخضـر والكتـوف مالتـة مفتـوحات يـنزلن على الزِند

لبـستة وفتحـت شعـري الكيـرلي وصـل لخصـري
لبست گلادتي الي بيهـا يمـامـة و ضليـت صافنة على المـرآيا اتأمـل شِكلي

بـعُمري ما كشـخت علـمود ولـد
بس الـوضع اختـلف اليـوم فـاتت نـازك تحچي وسكتت مصـدومة من شافتني غمزتلي وگالت
نازك:- عَزااا يَمامة تخبـلين عين البـاردة عليچ كيك والله كيك

دقـايق وفات خالـي سمـير
چانـوا لابسـين الزَي العَـربي تحـديداً لبـس اهـل الغربية

انبـهرت بـجمالهم، السلاح بـخصرهم ضحـكت وگلت
يَمامة:- راح تسوون حَرب؟

سمير:- لا، هـاي الاصـول حَبيبتي

گعـدوا خوالي و ابويَّ ينتـظروهم الكـل ملامحهم طبيعـية الة حَمد بس يخـزر وشراييـنة ناطة من العصبية

انـدگت الباب گـام حَمد يفتحـة وصاح
:- اهلاً وسهلاً بيكم بـوية اتفضـلوا

اني و نازك وفَي رحنا لغرفة قَريبـة على الصالة لازگين أذنـة ونسـمع
حَمد:- أهلاً وسهلاً ابـو مُراد يا هلا ومرحبا زارتنـة البَر‌كة

بـاوعت على نازك مصـدومة وهيَ كذلك
يَمامة:- معقـولة يطلـعون عِرف؟

سكتتني ورجعت تتسـمع
ابـو مُراد:- يـا هَلا بيـك حَمد من زمان ما ملتقيـن