أَماني العَقيق (البقاء للأقوى)

- البـارت السادس 🔱

بِـ قلمـي أنـا - أَمارِلَّس -
رِوايـة ( أَمـاني العَقيق البَقاء للأقـوى )

📌 فاتِنـات ماريد فـشار او كلام جريء ما يليـق بيكم خليـنا نكـون حبابين ونخلـص القصة على خير و واعدكم راح تحبـوها

قَبل كُل شي صَلـوا على النبي مُحمد

📌 تصـويتات + تَعليقـات تَقـديراً لتَعبـي

- يَمامة

نازك:- يَمامة جاب اهلة مرة ثانية

بلعت ريگي وگلت
يَمامة:- وشگال بابا؟

نازك:- طلعـلهم يصيـح وعيونة بگصتة گاللهم تريـدون مرة تلـعب دعابـل ويا الولـددد گولولي تردون طلعواا برة ماكو بنية للزواج 

يَمامة:- و آركان؟

نازك:- راد يتعـارك وية ابوچ بس سحبتة خالتـة ومنعتـة گاللها روحي هسة الحگچ چان ينتظرچ بس انتِ اتأخرتِ

اتعجبـت على اصـرارة دخلـت للبيت فتحـت تلفوني واني اقرة بالرسايل مالتة

دزيتلـة
يَمامة:- هـا

ثوانـي وشافها اتوقع چان ينتظرني
آركان:- حيـل تعبت ولچ ذلـوني ما استاهل المذلة

يَمامة:- آركـان بعدني صغيرة خلص روح شـوف الي تناسبك وابتعد عني

آركان:- انتِ الي تناسبيني زاجـل، من اشوفچ يرتـاح گلبي حتـا من تطلعين واني مادري گلبي يحسسني واجي ركض لمنطقتكم حتـا اشوفچ شوفي احساس گلبي شگد قوي؟

خفق گلبي و زادن دگاتـة احسـاس راودني اول مرة احـس بيه، هيچ بطنـي تعصرني و شعور حلـو

حطيـت ايدي ناحيـة گلبي احـاول اهون من دگاتـة لأن حسيتة راح يطلع من صدري

ضليـت صافنة على المحادثة وايدي تـرجف
آركان:- لا تجـاوبين روحي فكـري

ما صدگت يگلي هيچ علمود اطفي التلفون
ضليـت صافنة و افكـر بأهتمـامة و كلامـة و خصوصاً اصـرارة سحلنا اني وبابا وهوَ مُصر

خـفت هل اهتـمام يتلاشى يوم ورا يـوم
بس استمـر بـ هل شي بوقت متـأخر وصلتني رسالة
:- يَمامتي گاعدة؟ اذا گاعدة اني بالباب واذا نايمة اني باقي للفجر

بـدون ما ارد عليَّ او اشوف رسالتة طلعـت للحوش
مديـت راسي جـوا الباب لگيتة گاعد ومنتچي على الحايط وصافن على سواد السمـاء

شعـرة يتمايل ويَ الهـوى بلعت ريگي
فتحت الباب بسـرعة عيونة اتحـولت بأتجاه الباب والتقت انـظارنا سـوا

گـام بأتجاهي ماعرف بشنو عثر بس اختـل توازنـة بس كمل مشيـتة أتجاهي يمشي بثگل

اتقـرب سند روحة على الحايط
عيـونة يلمعـن من الدمـوع و كأنُ يتوسلني اوافق عليَّ!