أَماني العَقيق (البقاء للأقوى)

- البارت العاشر 🔱

بقلمي انـا - أَمارِلَّس -
رِوايـة ( أَمـاني العَقيق البَقاء للأقـوى )

📌 فاتِنـات ماريد فـشار او كلام جريء ما يليـق بيكم خليـنا نكـون حبابين ونخلـص القصة على خير و واعدكم راح تحبـوها

قَبل كُل شي صَلـوا على النبي مُحمد

📌 تصـويتات + تَعليقـات تَقـديراً لتَعبـي

- البارت العاشر

- يَمامة

طب آركان يركض عبالة فَي صدگ ماتت شافها تفرفح واحنا حـواليها نصرخ ولا واحد رجلة تعينة علمود يشيلها اتقدم شالها وطلع يركض وهوَ يصيح
آركان- يَمامة ركضيي بسرعةة وياي

طلعت ويا وعفنا ابويَ وامي بالبيت وهمة يبچون صعدها بالسـيارة وساق للمستـشفى اول ما وصلنا شالها ونزل ركض طبگت الباب وفتت وراهم شافها الدكتـور صاح
- بسرعة على قسم الحروق راح تلتهب الجو بارد

آركان شايلها ويفتر بيها وهيَ بس تبچي واني ابچي على بچيها اجة الدكتور وبدة ينـزع الجلد المحـروگ وهيَ تصرخ وحاضنة آركان موجوعة آركان من حلاة روحة صار يبچي وياها ويهدي بيها بكلماتة
آركان- خلصنا حبيبتي خلصنا سباعية انتِ راح تتـجاوزين كلشي

وهيَ على فد صـرخة حطيت ايدي على حلگي وضليت اشهگ باوعلنا الدكتور وگال
- شنو السالفة هاي كلكم تبچون ترا هيَ المحترگة

آركان- ترا عزيزتنا هاي گعدة البيت

ابتسم الدكتور و گال
- الله يحفظها الكم، اني كملت الي عليكم تجيبون هاي العلاجات وتبدون تعالجوها بسرعة ترا يتأزم وضعها ولا سامح الله يصير بيها كنكـري و تنبـتر رجلها

احنا سمعنا هيچ وتخبلنا شالها آركان وراح لأقرب صيدلية واني امشي وياه اخذنا العلاج دفع فلوس وطلع
آركان- شلون احترگت هيچ؟

يَمامة- چانت تگمز و گعدت على القـوري مال الچاي وهوَ يفور

باوعلها آركان وگال
آركان- ليش ما تگعدين المشعوذة

چلبت بقميصة وحطت راسها بصـدرة وبدت نوبة بكاء ثانية صحنا اني ويا بنفس الوقت
- اهووووو يابة احنا المشعوذين بس سكتي

وصلنا للبيت امي وضعها متخربط وجهة اصفر و بس تبچي و ابويَ مو احسن من وضعها اردف آركان يطمن بيهم
آركان- مابيها شي لاتخافون هيَ سباعية بس تحط العلاج تصير احسن مو فَي؟

هزت راسها بتعب نزلها آركان نومها على القنـفة وگعد هوَ على القنـفة الثانية تعبان