الروح المصرية (الجيل الجديد من الفراعنة)

الحلقة الخامسة والعشرون

يمشي في أروقة مقر المخابرات الحربية في سيناء بقامته الطويلة ومشيته الواسعة الواثقة..كان يرتدي بذلته العسكرية..والتي نادرا ما يرتديها لكثرة العمليات التي يقوم بها..

يصادف أحد زملاؤه الذين يعملون بداخل المبنى يلقي عليه التحية بحماس قائلا:

-حمد الله على السلامة يا (حافظ) وألف مبروك على الترقية

يرد (حافظ) بابتسامة رزينة كعادته:

-الله يبارك فيك يا (عاصم)

-معلش في أوراق هخلصها.. بعد إذنك

-اتفضل

تابع (حافظ) طريقه نحو مكتبه ليرتب للسفر..

************************************

بعد ان رتب مكتبه وأغلقه توجه لمكتب زميله المعروف بصائد الجواسيس..عندما دخل (حافظ) قال بابتسامة:

-هتاخد اللقب مني يا (حافظ)..ألف مبروك على الترقية..وأهلا بيك في عالم المخابرات..

قال الجملة الأخيرة بمرح فقال (حافظ) وهو يصافحه:

-الله يبارك فيك يا (سلامة)..و لقبك محفوظ طبعا

المهم جلسا..وبدا على (سلامة) الجدية وهو يقول:

-نتايج التحقيق بتثبت ان المقدم (عاصم الشربتلي)..هو اللي سرب موعد سفرك

كان (حافظ) يستمع بلا اندهاش لأنه استنتج ذلك منذ فترة لكنه لم يملك الدليل الكافي ..ثم قال:

-بس واضح ان مكنش يعرف أنا رايح فين بالظبط وليه..ولو كان يعرف كان التنظيم حضر للرد على عمليتنا الأخيرة..بس العكس هو اللي حصل واقدرنا نفاجأهم

-بالظبط..كان قرار جرئ منك انك تكمل المهمة..

ارتشف (حافظ) من قهوته وقال:

-مكانش فيه اختيار تاني..حتى لو عرفوا اننا بنحضر لعملية كان لازم نبادر ونضرب ضربتنا الأولى..مش نستنى لحد ما يجهزوا نفسهم

مط (سلامة) شفتيه وقال بتعجب:

-أنا مش عارف ليه المقدم (عاصم) ممكن يعمل كده..مركزه كويس والقادة بيثقوا فيه!

قطب (حافظ) حاجبيه وقال بثبات:

-الخاين دايما هيلاقي سبب لخيانته

-أنا بلغت القادة..ولسة مادوش الأمر بالتعامل معاه

قال (حافظ):

-أكيد هيحاولوا يوصلوا للي وراه علشان كده سايبينه يتصرف على طبيعته وبعدين هيستجوبوه ويطلعوا منه المعلومات اللي محتاجينها

ابتسم (سلامة) وقال:

-حاسس انهم هيختاروك علشان تستجوبه

مط (حافظ) شفتيه وقال: