ترويض ملوك العشق

ما تيجوا نتعرف♥

مساء القمر علي قمراتي♥... بما اننا متعرفناش قبل كده وفـ قارئين جداد ميعرفنيش احب أعرفكم عن نفسي شوية.. احم احم بسم الله 😂😂

...
أسمي... ندي عاطف ال غنيم...🌼يعني قطرات الندي اللي بتزين الورود في الصباح الباكر😂
الشهره.... لادو غنيم♥يعني احله واشهر حلويات هندي 😅
السن... 26.. في ربيع شبابي العمر كله ليا يارب😅

الحالة الاجتماعية.... خدوني علي بيت حبيبي وعشت خلاص فيه😅.♥. متزوجة من خمس سنين ياخسارتك يا ورد في التقطيف😂

الديانه.... مسلمه😌♥

الشهاده.الجامعيه... مملكش غير شهادة ميلادي والحمدلله نو تكميل للدراسه😅

المواهب.خدو بالكم من كلمة مواهب عشان هتعدو كتير🤗
. تاليف رويات..+غناء +تصميم ملابس+رسم شخصيات كرتونيه +طباخه بدرجة احتراف+ملكة تحضير اجمل صنية كنافة في رمضان🤩😂

نيجي بقا لشكلي"
نخلط هاندا ارتشيل معا مايان السيد هوب تطلع لكم لادو غنيم😍😂معرفش ازي بس هو ده شكلي لاني شبه مايانا و هاندا ومش انا اللي بقول كده والله لاء دول أهلي وكل اللي بيشوفني🙈

الأطفال
لسه ربنا مكرمنيش بيهم ادعولي من قلوبك أنه يرزقني بالذريه الصالحه عن قريب

الشخصية... خجولة بدرجة امتياز +انطوئيه بشهادة دكتوراه+ميكس طيبه علي حباية هبل معا رشة لدغه صغننه في ال (ر)... ديه شخصيتي😌😂
مشهوره بـ البكاء السريع "بصوا اي حد بشوفه بتأثر و في ثانية بيصعب عليا لدرجة أن أهلي قسما بالله العظيم بيكرهوا ينزلوا معايا الشارع عشان طول مانا ماشية بفضل اعيط بسبب الناس اللي بتشحت والعيال الصغيرة اللي اهلهم بيضربوهم"
و دائماً اعيط لاخويا وقوله انا بكره الطيبه الذايده والاحساس اللي ربنا حطهم في قلبي عشان طول الوقت بيوجعوني ويخلوني اعيط علي اي حد اشوفه وبيخليني اسامح اي حد بمجرد ما يضحك في وشه فـ بحس الناس بيفكروني عبيطه"
فـ دائماً يحضني ويقولي"
متقوليش كده يا ندي دانتي ربنا بيحبك عشان خله قلبك طيب وبيحس بسرعه كده ويقولي ده كفاية ان الرسول عليه افضل الصلاه قايل في حديثه "
: يدخل الجنه أُناس افئدتهم كأفئدة الطير ، من شدة رقتها وطيبتها ، تبكي من اقل شيء ، تضحك من اقل شيء ، تسامح من اقل شيء "
الحديث ده دائماً بشوفه قدام عينيه وبحس انه بيوصفني و من يوم ما بقيت اركز في كلام الحديث ادعي ربنا وقوله يارب متغيرنيش وخلي قلبي صافي وبيحس متبدلنيش لاني بقيت حبه الصفه الجميلة اللي زرعتها فيا حتي لو كانت بتوجع قلبي"🌼
🍁
احلامي بقا"بصوا أنا بحب الأطفال بطريقة عجيبه وبيصعبوا عليا"
عشان كده اكبر حلم في حياتي أن ربنا يكرمني بفلوس كتير اوي أعمل بيها مدينه صغيره عباره عن دار ايتام واخد فيها كل الاطفال المتشردين واللي ملهمش اهل واربيهم في الدار واخلي بالي منهم واخليهم احسن اطفال في العالم كله"
ديه اكبر امنيه بحياتي و دائماً ادعي ربنا انه يحققها لدرجة اني بتخيل المكان ووجودي وسط الاطفال في قلب المدينه اللي مسمياها في خيالي مدينه الحب والندي♥
وتاني حلم ليا اني اعمل دار للمسنين عشان اجمعهم فيها وارعيهم"لاني بحب جدتي جداً وحبي ليها مخليني متعلقه بكل الناس العوجيز ولما بشوفهم في الشوارع او في برامج التلفزيون وهما عيالهم رمينه قلبي بيتعصر وبقول ياريت كان عندي دار كنت خدتكم فيها وعيشت معاكم وقعد اتخيل واحنا بقا في الشتا ومولعلهم ولعه يدفوا بيها وبعملهم شاي وبناكل قرص سوا وكل حد فيهم بيحكي ذكرياته "مجرد التخيل بيهم بيخلي قلبي يفرح وقول يارب حقق احلامي ونولني الثواب ده🍁
ن

يجي بقا لسؤلكم كنت مختفيه فين من الصبح"
كنت بروق السطح وبكنسه انا والبنات سلايفي"عشان بكرا عندنا عزومه شم النسيم وديه بنعزم فيها ماما واخواتي وخالاتي وبنات خالي لاني متجوزه ابن خالي وسلايفي يبقوا بنات خالتي فـ من الاخر كده اسرة معا بعضينا مفيش بنا حد غريب🤗وهتقولولي بس شم النسيم عده هقولكم والله دي اوامر الكبيره مرات خالي عشان الفسيخ اللي مخلله مكنش لسه استوه وطبعا اجلنا العزومه الحد لما استاذ فسيخ يجهز ويستوي والحمدلله حن علينا واستوه والعزومه بقت بكرا"
عشان كده بكرا طول اليوم مش هظهر في اي موقع والا فيس والا واتباد غير ع الساعه عشرة بالليل بعد مالكل ما يمشي وانزل شقتي♥

........
والي هنا اعزئي القارئين انتهت فقرة ما تيجي نتعرف ♥

ياريت تضيفوا الرواية لقائمة القراءه عندكم لان ده بيذود من عدد مشاهدتها والاهم بقا انكم تقترحوها في جروبات الروايات اللي موجوده علي الفيس بوك لان ده طبعا هيذود عدد مشاهدتها يعني لما تلقوا حد بيسال عن رواية اقترحوا أسم رواية روضتني عنيده عشان الناس تدخل وتقرئها♥.. ومن فضلكم اعملولي متابعه علي صفحتي واعملوا ڤوت لكل حلقة تنزل عشان الواتباد يقترح الروايه لقراء أكتر🌹....)