لاتزرعين الورد وإنتِ عبيره

البارت السابع

بسم الله الرحمن الرحيم

رجاءً ياحلوين تفاعل تفاعل +تعليقاتكم الحلوة

فــ إذا تبونى أكمل بالواتباد أتمنى تفاعل 

بعد ماخلصوا أوراق الخروج من المستشفى، أخذوها ومعداتها وهو حاير مايدري ويش بيهل عليه مشاكل جديدة؟ وذلحين ويش يقول لها؟مالها مكان تجلس فيه،وبكرة تبدأ دوامه ولا عنده وقت كافي لجل يوصلها لأهلها،ركبوا السيارة ،محرك صقر وهو مايدري وين وجهته؟ولا عنده حل.
_:وين بتوديني؟
قالتها بربكة،بخوف،بقلق،تعبت من حالها،تمنت انها تموت بـ النار ولا توصل لهالمواصيل.
تنه بتعب:
_:أي مكانه بوصلتس.
خافت من الكلام إللي بتقوله ،ولكن ماعندها حل غير هالحل ،وحل موعد لها،جمعت أنفاسها بتوتر:
_:تتزوجني؟
فتح عيونه بصدمة، ومحاولة استيعاب كلامها، شلون ترمي نفسها عليه وهي ماتعرفه؟
_:تتزوجني النهاية ماتوصلني لعمتي لجل تكون محرم لي.
ماقدر يتكلم من الصدمة ،كيف يتزوجها؟من دون علم أهله!؟وغير هذا كله هو من ديرة وهو من ديرة ، إختلاف قناع وإختلاف عادات وتقاليد.
شافت صمته فحسست بالخجل يسري بجسدها:
_:إن ماتقدر ماعليك منقود.
ماتكلم ولا رد عليها،وفسرته أنه من صدمته ولم يستمع له،ماهي إلا لحظات إلا وقف عند مركز صغير،تشرفت مع الشباك وعرفت جوابه،ولكنها لوهله جميلة حس بخوف وتوتر،الحاجة صعبة صعبة للغاية.
________________________________________________
كوب صلاة لبنان بربع ساعة
_:حياك الله ياولدي ،يشهد الله إن البيت نور بدخلك علينا.
قال بصوت جهوري واثق يتلائم مع شخصيتك السكايه والجامدة:
_:الله يبقيك والبيت منور بــ أهله.
جاء جاسر ومعه دلة القهوة وبدا يتحمل ، دق باب بيتهم وهناك جاسر ولكن أبوه يوقفه وهو يقول:
_: خلك أنا بروح الوكاد إنه عامل إللي وصيته تعطل إقعد مع الضيف.
وراحة أبوه بسرعة علشان مايوقفه جاسر،بينما إبتسم جاسر وهو يب يسولف معه وتعودون على بعض من دوندولات:
_:ذلحين عادي اسألك سؤال فضولي؟
إبتسم قائلاً:
_:إسأل
_:ويش زوجك ثلاثة حريم ولا بعدك ماسكت الثلاثة؟
ضحك مطر:
_:صحيح إني متزوج ثلاث حريم مير ولاوحده جت على هواي ،الأولى عمي وإنت تعرف مالا بنت البنت إلا ولد عمها،وبعد فترة زواج ثالثة لجل وصية صاحبي سعد الله يرحمه ،والثالثة زواج عادي.
قال بمزح:
_:ماشاء الله وشلون متحملهم؟
ضحك:
_:لاربي رزقك طائرة حريم تعرف أنا ويشلون متحملهم.
ضحك جاسر وكان بيرد ولكن سمع صوت أبوه وهو يناديه، استمع ولاحظ لأبوه، تنهد مطر وهو يستجيبه شخصية جاسر الواثقة والمرحة بنفس الوقت، سمع صوت أنثى، كان صوتها يوحي ذكيا وحزينة للغاية

  ،كان صوتها يوحي بإنها حزينة حزينة للغاية ،استغرب ماتوقع ان جاسر متزوج، ركز بالصوت وسمع صوت شهقاتها اللي تحاول تكتمها وهي تقول:
-:غابت شموس السعد من رحتي وتبدل النور لظلام،يشهدالله إنتس من فارقتيني والزمن بعدتس توقف..
عقد حواجبه باستغرب ،من تكون هالبنت؟ومن اللي فاقدته؟ ،شاف جاسر اللي جاء ومعه العشاء،كان وده يتهور ويسأله عن هوية البنت ،ولكن قاطعه صوت ابو جاسر اللي ينادي بصوت "ورد ورد" وهو يحاول يخفض صوته لجل الضيف ولا يسبب ازعاج،ورد هنا عرف اسمها،لكن من الممكن يعرف هويتها؟.
----------------------------------------------------
سمعت نداء أبوها ،حطت صورة أمها فوق الطاولة ومسحت دموعها ،واخذت نفس عميق لتهدئة نفسها،طلعت من الغرفة بوجه مبتسم وكأنها مابكت ولا نبّشت بالجروح القديمة وقالت:
-:امر يبه ،كل شي جهزته بالمطبخ.
-:تعالي ساعديني بهالصحن اللي بالمطبخ تعالي.
-:ابشر ياعيون ورد.
ابتسم الاب على بنته اللي دايماً يشوفها أم وليس ابنه فقط ،من حنيتها المفرطه يحس انها أم ،تملك مشاعر حنونه وحساسة ولكنها بنفس الوقت قوية ولاينخاف عليها.
-------------------------------------------
بعد ماعقد عليها وصارت حلاله ،نزل من السيارة وهي معه واتجهوا للشقة إللي إستأجرها صقر،دخلوا الشقة وجميلة في قمة خوفها وتوترها راحت عند المراية ونزلت غطايتها وعبايتها ،ناظر فيها وهو ينزل شماغى كانت في قمة الجمال وشعرها الاسود مستدل على ظهرها بطريقة ناعمة وملامحها اللي تدل إنها شخصية هادئة ،حس على نفسه وحط شماغة وإتجه للباب وهو يقول:
-:بجيب العشاء لاترقدين.
خرج من الشقة بينما جميلة جلست على الكرسي اللي قدام المراية وهي تفكر بمصيرها،شلون راح تكمل معاه؟ مرات تحس إنها تسرعت بقرارها،ومرات تحس إن قرارها صح ولكن مع الأيام راح تثبت.
------------------------------------
منتصف الليل
هطل المطر ،وإنقطعت الكهرباء على الديرة ، لبس فروته وإتجه للشباك وهو يفتحه ويتأمل المطر .
نبض السحاب وزفرات الغيوم..زخات تلاطف وجوها متعبة وقطران تداعب نوافذ مظلمة ،إنهمار رحمة وإشعار خير ، علت أصوات أطفال الديرة دليل لفرحهم وصوت وقع أقدامهم وهو يلعبون تحت المطر
إنتبه لصوت أخته وهي فانوس :
-:تعال معنا ، سويت كيكة المطر ماودك؟

 ابتسم لعادة ورد إللي مستحيل تتركها ، في كل مرة يهطل مطر وتنقطع الكهربا تسوي كيكة التمر ،مشى وراها متجهين لأبوهم ، جلسوا قال جاسر بمزاح:
-:يبه ويش رايك نطلع على السطح نلعب بالمطر؟
ناظره بنص عين وقال:
-:تخيل أطلع معك بالمطر؟عزالله بيوقف ،انا أقول اهجد.
ابتسم جاسر وهو يحب أبوه ويحب يمزح معه بشكل دائم،وقال وهو ياخذ القهوة والكيكة من يد أخته:
-:والله يبه كسرت بخاطري ، ماهقيتها منك.
-:وأنا صادق ، أجمل المواقف والحكايا إللي تحت المطر ، وإنت منت منهم.
رد بضحك:
-:علامك ماخذني رايح جاي.
-:إنت سألت وأنا جاوبت ، ليه تدور حق الهواش -إلتفت لورد- صبي لي فنجال ثاني.
-:ابشر.
صبت له وقامت من مكانها وهي تقول:
-:بروح ارقد.
---------------------------------------------------------------
المكان مظلم ولايوجد غير صوت المطر ولكن هناك صوت يتعارض مع المطر ، صوت صياح وبكاء،صوت يلفت الإنتباه،صوت مخيف، تمشي وتضرب بالجدار بشكل مفجع وغريب وكأنهافاقدة عقلها،إعتلى صوت الرعد ف إرتفع صوت صراخها بشكل أقوى وجنونها زاد أكثر ،في كل مرة يزيد صوت الرعد أو المطر يرتفع صوتها.
جاء لعندها وبيده فانوس مسكها وإحتضنها وهو يقول بحنان:
-:لاتخافين أنا هنا ، إهدي.
مسح على شعرها بحنية وهو يسمي عليها :
-:المطر مايخوف يافاتن،المطر رحمة
بدت تسلسل الطمئنينة لقلبها ، تنهدت بخفوت
-:الخوف راح؟
هزت راسها ب نعم وهي دافنا راسها بصدره بخوف وذعر ، ربت على كتفها وقال بحنية مفرطه
-:تعالي معي تعالي.
----------------------------------------------------------
مجتمعين بالصالة ومشغلين الفوانيس ،والهدوء سيد الجلسة ،و عهد وسحابة يراقبون تصرفات مزنة مع ولدها وهي تتلعبه ، شهقت عهد من مزنة إللي ضربت ولدها سهم لجل إنه كب الشاهي من دون قصد
-:حرام عليتس يامزنة بعده ورع صغير جاهل مايفهم.
قالت سحابة:
-:والله ان مطر كان هنيا ماأمداس تهرجين بحرف لولدتس.
ردت عليهم مزنة بغضب:
-:وإنتم ويش دخلكم؟ولدي ولا ولدكم؟
قالت عهد وهي تقصدها بالكلام:
-:ايه الوكاد إنتس طفشتي من مطر ولده ،وصرتي تتعدين الحدود يامزنة.
خزتها سحابة بينما مزنة بغضب:
-:ويش تفسير هرجتس؟
-:انا اقول اسكتي لجل ما أدعي بالمطر إن ربي يكشف سرتس المستور.
ناظرتها مزنة بغضب وهي ماهيب حاسه باللي يقصدونه او يلمحون له.
---------------------------------------------------
قراءة ممتعة