البارت _1_
"""""""""""""
بقلم الكاتبه سيدرا
أثاري انتَ
سفر دنيا وحلم مبيوگ
مَر صدفة وخلص وكتة
لــِ عريان السيد خلف
""""""""
أحدى مناطق جنوب الموصل سنة 1995
...
...
...
ولكم مااريدة مااريدة انتو متفهمون
قتلوني ولاتخلوني اتزوجة
_شبيچ يولي تسودنتي ماضل شي لعرسج
شنو لمتردي بكيفج الحچي هو
أي بكيفيي والله اذبحح نفسي وما اخذة
سمعتوني،
عفتهم ودخلت للغرفة احس روحي عتطلع
مااعرف شريد لو شنو الصار كرهتة ومااطيق
اسمة زينن ليش هيج يصير بية ليش؟!
خليت راسي عالوسادة ونزلت دموعي
بحسرة وألم،
رجعت ذاكرتي لقبل فترة موطويلة
بيوم خطوبتي من ابن عمتي مأمون
اي صح چنت فرحانة بيومها مو حُب لالا
بس مثل اي بينة تشوف شخص مستقتل عليها وحابها هذا لشي بحد ذاتة سعادة
فزيت من صفنتي على كلمتة لدائماً كنت اسمعها منة
مأمون: احبچ..
_ههههه انتَ متمل من هذه الكلمة صرت سامعتها منك اكثرر شي بحياتي
مأمون: هسة شبيچ دجامليني وگولي اني هم
احبك لوينقص نصفچ
_تدري بية مااعرف اكذب من احس بيها راح اگولها لاتستعجل، وكافي بعد شوية هناك العالم تباوع علينة
مأمون: خليهم يباوعون حلالي انتِ ممسوي شيء
_ابسمت بوجهة وبعدت شوية، كملت مراسيم الحفلة على حسب الأصول لحد ماراحوا الناس يلة دخلت الغرفة
كانت أختي الچبيرة سحر عدنة هية وأطفالها
عدها 2ولد محمد وعمر
بقينة نسولف ونضحك ل12بالليل
لحدما امي عاطت بينة يلة نمنة
ثاني يوم داومت اني وخواتي اوصل غيدة للمدرسة چانت خامس ابتدائي
واخذ فرح واروح لان وياي نفس المدرسة
هية ثاني واني خامس ادبي
كملت اليوم بين صديقاتي ولدراسة
كُلش احب الدراسة حيل شاطرة
ولمدرسات كُلها تحبني
بس الشي لوحيد لمأذيني والدي دائماً
يهددني يبطلني من المدرسة بس أمي
هي لتوگف بوجه ومسايرتة،
لأخر الدوام اخذت خواتي وطلعت اول موصلنة لگيت اهلي مو على بعضهم
امي ابوي اخوني الزغار
سألت خير شصار محد يقبل يحچي
دنگت على امي وسالتها
_ عفية يوم احچي شبيج
شبيكم صار شي؟
تسواهن: منين يجي الخير و زيد يومية
مسوينة كونة شكبرها
تنسيم: زيدد؟! شجابة شيريد ميمل هذا؟
غالب: انتِ گولي شنو يريد ليش هيچ
ميت عليچ ولچ يبچي مثل الطفل عليچ
تنسيم: شبيك يابة قابل اني منين اعرف
شنو يريد كُل الاعرفة تقدم وانتَ رفضتة
بعد اني شعلية ماكو كم مرة فقط شايفتا
بيها ينعدن عالأصابع
تسواهن: ولچ تدرين لو خطيبج عرف
شيصير لو الناس تدري يحبچ والله
ليدگولنة طبل
تنسيم: انتو محد هامكم غير الناس
اني مامسوية شي غلط كافي عاد
ومن يجي مأمون اگلة وافهمة بالصار
غالب: علمود اگص راسج لو حچيتي
نثبري جوة ولاتضلين تحچين بكيفج
سالفة نسدت تردين تفتحيها من جديد
_باوعت عليه وماجاوبت ابوي ميتفاهم
أبد بهالسوالف وامي اهم شي
عدها الناس والله موتني بقيت ابدل واحجي عليهم فززتني فرح من گالت
فرح: اگلج هو دكتور زيد شبي گتل روحة عليج من حلاتچ عاد
_دولي ولي اصلاً مأمون يگلي تخبلين چنج ميادة الحناوي ويمكن احلى
فرح: اي هو شخربچ علينة غير مأمون
غيدة: كافي يمعودات شكد تسولفن ترة
متت من الجوع
_يلة اني كملت دروح اصب الاكل،
تغدينة
وكملنة واخواني هم گعدوا ويانة يتغدون
محمد صف ثالث
واحمد اول
ومحمود بزر الگعدة بالوقت الحالي لان منعرف
امي على اي ساعة تزرگنة بأخو رابع
محمد: اگلج تنسيم هم مو لازم الولد اكبر
من البنات ليش انتن اكبر من عدنة
_ههههه والله عليك سوالف حمودي
لاموشرط هذا الشي بكيف رب العالمين
فرح: غير ابوك ورة مامات وعدل انفتحت
چبستة وصار يخلف بس ولد
محمد: شنو مات وعدل هو. ليموت شلون
يعدل بعد
فرح: انتَ چنت ممولود اصلاً بهذا الحدث
محمد: عليج الله سولفيلنة شنو صار
فرح: اوي اريد انام عندي دراسة مابية احچي بعد
تنسيم: عوفها حبيبي اني اسولفلكم،
هاي قبل بحرب أيران چنة زغار احنة
وانتو لسة مااجيتو للدنيا چانت غيدة
زغيرة يمكن عمرها سنة او اكثر مااذكر بالضبط،
لمهم ابوي چان جندي بالحرب وتصوب
اجانة الخبر وگالو (غالب آل رمضان )
مات اوفف لهسة اذكر فرفحة امي شلون رادت تموت نخبصنة عمامي واهل ابوي وخوالي كُلنة
رحنة للمستشفى واني زغيرة چنت يمكن صف
اول چلبت وياهم لمهم وصلنة هناك لگينة
ابوي بثلاجة الاموات دخلنة احنة وهمة طلعوا
خلوا عالسدية علمود نودعة وياخذوا يدفنوا
امي شمرت نفسها عليه تعيط وتبچي شوية وصرخت فززتنة كُلنة
