السلام عليكم
بسم الله نبدي
بقلم الكاتبه سيدࢪا_♡
عزِيز وَ هيچ لچمَاتك ،
چا لٓو تَكرهنِي شتسوِي؟
_____________________♡____________________
مأمون: تسمين غيرتي وخوفي عليچ شي تافه؟!
_وعلى شنو هالغيرة والخوف من شي مصاير
مامون: مااريد ادخل بنقاش وياچ بس احب اگولچ عرفت الموضوع الي انتِ رافضة تگولي الي بطريقتي واتنمى ميتكرر
_بس الصار مو بيدي
مأمون: لااابيدچ كنتِ تگدرين تعوفي وتمشين ومتوگفين تاخذين وتنطين وياه بالكلام عالعموم شي صار وفات خلينة بموضوعنة
_ اي موضوع؟
مأمون: ليش رافضة الزواج الاسبوع الجاي
_ لان بساطة مااكدر عندي دوام انتضر مبقى شي وتخلص السنة، سكت ماحچة شي طبگ السيارة ونزل اباوع عليه اشوفة يشرب جگاير وصافن عالسيارات مبين ضاج من عندي ياربِ شسوي والله صعبة هسة الزواج
مليت واني انتضرة دگيت هرون رفع راسة باوع علية أخذ نفس اخير من الجگارة الثانية وشمرها واجة صعد بهدوء قطعت الصمت وحچيت
مأمون شبيك ضجت
مأمون: ماكو شي لتخلين ابالج
_عالعرس مو؟
مإمون: اي ردتج يمي مااگدر انتضر اكثر وگتلچ قبل مااحرمچ من دراستج اخذچ بيدي وارجعع بس انتِ مصرة تعاندين هذا هو براحتچ
_كمل كلامة وسكت ماگدرت ازعلة وهو يتمنى رضاي مسكت ايدة وحچيت
موافقة شوكت متحب نتزوج بس لاتزعل
زينت الابتسامة ملامحة اخذ ايد وباسها بهدوء
وهو يگول
مأمون: صدگي مراح تندمين على قرارچ الله ميحرمني منچ يارب
_كانت فرحتا كُلش كافية عندي،
بهذه الفترة القصيرة حسيت گلبي تعلق بي وميمر يومي اذا ما اسمع صوتة لواشوفة،
بقينة الليل كلة نفتر وتعشينة واخذني للسوگ اشترالي كم شغلة وهو طاير من الفرح رجعنة بالطريق وهو يسولف شلون راح يسوي العرس ويعزم الُكل
واني فرحانة على فرحتة
ماچنت اعرف المضموم
ولاحسبت حساب ليصير ويغير حياتي رأساً على عقب....
يتبع🤍
................
إن الحوائج لتُقضَى
بكثرة الصلاة على النبي ﷺ
إن الذنوب لتغفر
بكثرةِ الصَّلاةِ على النَّبيِّ ﷺ
إن الهموم لتُكفى
بكثرةِ الصَّلاةِ على النَّبيِّ ﷺ
إن الصدور لتنشرح
بكثرةِ الصَّلاةِ على النَّبيِّ ﷺ
(إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا)
