{بسم الله الرحمن الرحيم}
نبدي بقلمي....(سيدرا)
تسواهن: فدوة لعينة شلون ولد الله يحفضة لهلة يگلي اليوم يبات بالبيت وميكون خاطرچ الاطيب
_ وصدگ للضهر ويدخل علينة ابوية كيفنة بي نحضن ونبوس عبالك صار سنة مشايفينة
گعد وكلنة ألتمينة خواليه
تسواهن: والله سواها ابو علي وصدگ بكلامة
غالب: اي خطية حيل تعب وياي ودفع كفالة يلة طلعت وماقبل ياخذ من عندي ولافلس
والله معروفة هذا ماانساه كل عمري
تسواهن: بس كافي غالب هالمرة سلمت وطلعت بيومين المرة الجاية متعرف شيصير
أستر علينة لخاطر جهالك
غالب: انتِ ماتملين من الكلام بهذا الموضوع مو گتلچ لاتتدخلين ليش تخليني اسمعچ كلام يزعلچ گدام اولادچ جوزي مني
_نهض بعصبية وعافنة وگام امي خطية فشلت لأن صيح عليها گدامنة، هو هذا ابوي ابد ماعندة تفاهم ولايحب احد يناقشة خرب فرحتنة بطلعتة..
بعد طلعت إبوي بيومين اجانة تقي حمة سعاد بنت عمي وأبوو ماعرفنة شنو زيارتهم لحدما راحو ركضت امي للصالة تسأل بأبوي تريد تعرف شيردون واني وخواتي واكفين بالباب نسمع الهم
غالب: اجاني وية ابو يتحمدولي بالسلامة وطلبو ايد تنسيم من عندي لتقي
تسواهن: بس هم مو مزوج وعندة ولد على حچيك
غالب: لاطلع منفصل عنها من زمان وولدة عد امهم
تسواهن: وانتَ شگتلة وافقت
غالب: طبعاً لاا شنو مخبل واطيها لمنفصل وعندة جهال وهم بعيدة علينة وحياتهم تختلف على حياتنة وبنتج فاهية ماترهم وياهم، صحيح الولد مايتعيب ونقيب وشخصيتة حلوة بس بتنة ماترهم وياهم
تسواهن: وشكلتلة هيج رفضتة بسرعة موعيب من عندة
غالب: لامارفضتلة مهما كان الزلمة الة فضل علية بس کتلة البنية محچي بأمرها هوضاج اخذ ابو وطلع
تسواهن: ياا بس لازعل
غالب: ماادري بعد لامااعتقد زعل بس گال عندي شغل
تسواهن: اي عيني هم زين رفضت لان سمعت سعاد طالعة من عدهم لعد اكيد ماينعاش وياهم
_عفتهم يسولفون ودخلت للغرفة والبنات وراية شمعنى خطبني أني شعرف عني حتى يطلبني بالأسم همزين ابوي رفضهم مستحيل اخذ واحد منفصل اكيد يرجع مرتة علية وانوب اصير سلفة سعاد يبوو هاي العايزة علمود تذبحني هسة تگلي لحگتيني حتى بزواجي، وفزيت على صوت فرح
فرح: يمعودة صدگ تحچين صارلي شگد اصيح وين رحتِ
_شتردين؟ موتشوفيني صافنة يعني افكر ليش تلحين وياي
فرح: ديلة. عيني ام الافكار وشطلع وياچ بلة ؟
وشنو رأيج بكلام ابوية
_همزين ابوية رفض من يمة لان لوقابل هو مستحيل اقبل اني
فرح: علساس لويريد يبقى على رأيچ بس هو ماعاجبة الوضع
_هم صحيح يلة الحمد لله أجت من عندة
خلص اليوم بخير وسلامة ومانعرف باچر شنو مضموم النة
بعد كم يوم من زيارة تقي ووالدة ألنة رجعوا
اجوي مرة ثانية ومثل العادة محمل وياه اشكال والوان
واگفة ورة الباب واسمع حديثهم
غالب: حجي ابراهيم اني مو گتلك البنت
مخطوبة ليش تخجلوني وياكم اني منطي كلمة لدكتور زيد
حجي ابراهيم: لا ابو محمد مامقبولة منك هاي يعني الدكتور احسن من حضرة النقيب اني اليوم جايك مرة ثانية ومااريد منك تخجلني
غالب: والله مااعرف شحچي بعد يصير خير
جاي تحرجوني وياكم
_مابقيت اسمع اكثر عفتهم ودخلت للغرفة
بس لأبوي يوافق والله مااقبل شنو اروح هناك وفواگاها چبير ومنفصل شوية وراحوا طلعت لأبوي لگيت امي يمة وهو ماسك بطل بي لبن ويشرب حچيت وياه
_بابا شيردون اجوي مرة ثانية؟
انتَ مو خصمتها وياهم الزيارة الفاتت
كمل بطل اللبن وجاوبني
غالب: الولد متمسك بيچ مدري شجاه شنو هو شايفچ
_ارتبكت وحچيت بخوف،
هاا لاوين شايفني واني هم مشايفتة قابل وين أشوفة
غالب: لعد عجيب امرة ليش مصمم عليچ
تسواهن: تلكاه يريدها لأن يحبك وهوهم خوش ولد بس عيبة منفصل وبيتهم بعيد
غالب: الله كريم اني راح انام لحد يگعدني
تسواهن: شنو تنام من دون عشة .
غالب: مااشتهي عوفوني
مرت اكثر من يومين چنة گاعدين
اني وخواتي بالصالة ورة العشة
وأمي وأبوي بغرفتهم شوية وسمعنة صوتهم أرتفعع وصار صياحح
خفنة حيل ركضت فتحت الباب ودخلت لگيت أبوي عصبي وأمي گاعدة ضايجة
_خير يوم ليش صوتكم طالع صار شي؟
تسواهن: منين يجي الخير وابوچ يومية الة كلمة
غالب: ليش تخليني أمدد أيدي عليچ كتلچ لاتتدخلين انتِ بكيفي بنتي واني حر بيها
_شكو يابة شصار
غالب: اسمعيني زين حضري نفسچ هالكم يوم خطبتج من النقيب تقي وأي معارضة ماأريد
مفهووومم.....
يتبع...🤍
عجبكم البارت؟
متحمسيننننن...
صوتووو.....
