السلام عليكم
بسم الله نبدي ~♡
بقلم الكاتبه سيدرا
____________________♡_____________________
خليتني بنص الدرب
و انا بنص گلبي خليتك...
~~~~~~~~~~~~~~~~~~~~~~~
اخذت ابوي واخواني ودخلت واني أشرتلة عالاستقبال فات بسرعة بدون ميباوع علية
گعد عالقنفة يهز رجلة بتوتر وعيونة حمر ولاعبالك مأمون الهادىء الفقير لاانگلب حالة
بقيت واگفة مااعرف شحچي
رفع راسة وباوع عليه وگال
مامون: تعالي. گعدي هنا واحچيلي بدون
متنقصين حرف واحد سامعة
_ شبيك مأمون شحچي غير اعرف
ليش هيچ معصب وجاينة بهالوقت
مأمون: بدون لف ودوران تنسيمم شعندة
زيدد لاحگكم للمدرسة احچي لاتبقين ساكتة
_ هاي شبيك منيلك هالاكلام، بس خلصت نهض بسرعة ومسكني من ايدي ويحچي بصوت عالي وعصبية مفرطة
مأمون: لاتغشمين نفسچج سامعة فطم هسةة عدنة وخبرت أمي وسمعتها بالصدفة متگدرين تنكرين
_ ها يعني فطم أساس المشكلة والله
الا اطيح حضها اني اعلمها
مأمون: لاتغيرين الموضوع احچي شيريد هذا الكلب منچ وليش لاحگج احچيي
_هاي شبيك ميريد شي بس سلم علينة وراح لاتصدگ بيها
مأمون: يعني متحچين مو بسيطة بعيني
اني اعرف بطريقتي
_كمل جملتة وطلع يركض صحت عليه ولاسمع مني ياربِ شنو هالمصيبة هاي
الله لايوفقچ فطم شگد چنت مخدوعة بيچ
گعدت بيأس واني افكر شراح يسوي وين راح خاف ابوي يعرف وتصير مصيبة فزيت على صوت امي وهي تگول
تسواهن: ها احجي شصار وين. راح الولد
_ شحچي يوم شحچي يعني هاي بنتچ متوب من سوالفها متعرف تضم شي أبد والله موتتني
تسواهن: هسة عوفي اختچ وگولي شصار
_ مصار شي ماحچيتلة شي ابد يعني شريد اگلة ها زيد يبچي علية، حاولت انكر مصدگ وعافني وطلع
تسواهن: ولچ خاف راحلة والله ابوچ اذا عرف يطين عيشتنة هسة بالگوة سكتة وگتلة مشكلة بسيطة بينهم يلة اقتنع ودخل ينام
_والله مااعرف بعد بس الله بستر،
عفت امي بحيرتها ودخلت جوة حتى مااشتهيت اكمل الغدة دخلت لفيت راسي ونمت
مرت كم يوم والوضع هدوء ماكو اي خبر من مأمون ولااني خابرتة، لحدما اجتي عمتي
للبيت طلعت سلمت عليها وگعدت يمهم
إنتبهت عليها وهية توجهلي الكلام
ام مأمون: عمة تنسيم صاير شي بينچ
وبين مأمون مدري شبي هالأيام
متخبل علينة ويحرگ بهالجگاير
ولااكل ولاشرب وحسرة احد يفتح حلگو
وياه يبتلي على عمرة
