{بسم الله الرحمن الرحيم}
(نبدي بقلم الكاتبه سيدرا)
چم ليله على ليله يعز عليه النوم
بس حلمك توالي الليل خطاري
عريان السيد خلف
...
....
......
صوت الأغاني يصدح
اغنية نجوى كرم (بين الهنا والنار)
نازلة جديد وكل شوية نعيدد الشريط واني
اردد وياها ومندمج ومخبوصين بهوسة
العرس وية ويلاد عمامي
ومرت من يمي صيرة اخخخ ياالله ماشافت بحسنها الوجه ابيضض ولعين بلون الحشيش
ولشعر الاشگر لنازل مثل المي على متونها
مرت من يمي وخذت عقلي وياهاا ضلت عيني وراها لحدما اختفت وطلعت برة وعيوني تبراها ، فزيت على صوت اخوي علي يصيح
_تقي،
سدد المي غرگت الشارع وين صفنت
عيونك احشمها شوية
حصلت من عندة رزالة بأدب سديت الماي وركضت اريد اشوف هالطيرة بت منو ؟
شفت السيارة متروسة نسوان وين احصلها بعدد بس ماارتاح ألا اعرف منو لگمرة هاي!؟
........
گاعدين عد الناس لأن صار وقت العشة
العرسان صعدوهم فوگ واحنة بقينة تعشينة
وقبل المغرب گالوا يلة كل.حبايب العروس
لمن روحهن اني طلعت اول وحدة اخذت غيدة وطلعت الطرمة متروسة زلم وصوت الاغاني عالي سوولنة طريق فتنة من عدهم
صعدت بالسيارة وشوية شوية اجتمعن النسوان وتحركت السيارة غيدة بالكرسي اليمي مدت راسها وحچت بأذني
غيدة: ماتدرين من فتنة شلون الولد يباوعون عليچ خاصتاً واحد بيهم يصير اخو العريس صفن صفنة فتح حلگةگلت راح اطب بي ذبانة
_ههههه ثول وخري مني وين شفتي صفن ليش تباوعين كم مرة گتلچ من تمشي راسچ نزلي لاتصير عينچ صلفة وبعدين وين عرفتي اخوو العريس هذا ها؟
غيدة: ولچ اني ماباوعت بس عيوني تباوع بالغصب شسوي اسدهن، واعرفة لأن صاحبت بنتهم وگلتلي علية بس شفتي شگد حلوو
_لاابد انتِ متصيرلچ چارة رجعي بمكانچ
العالم انتبهت، رجعت لمكانها ماعاجبها الحچي بقينة ساكتين الى إن وصلنة صارت الدنيا ليل
دخلنة چان أبوي واخواني بالمطبخ يتعشون
تسواهن: هاي منو سوالكم اكلل
محمد: يوم هذا من المطعم جاهز جعنة حيل وانتن تأخرتن وابوية دزلنة
غالب: شلونة العرس وهناك نسابتنة الجدد
شلون وضعهم
_گعدت أمي تسولف لسمعتة وعرفتة بهالكم ساعة عن عيال سعاد لأبوي واني رحت ابدل لان حيل تعبت بس غيرنة ملابسنة اني وخواتي نمنة
بهاي الفترة اني محجوزة لزيدد
صحيح ماكو تواصل بس احترم هالشيء
لأن ابوي موافق وهو انطاه كلمة
اليوم العصر وتجينة نجلاء
اخت مأمون صارلنة أشهر احنة متقاطعين حتى بعرس سعاد محد من عدهم سلمت عليمة شعجب ذكرتنة اليوم
گعدنة يمهم وامي هم تسولف وتسالها على اهلها شوية وجهت ألي كلام
نجلاء: تنسيم متجين شوية بالغرفة اريد بموضوع
تنسيم: اي حبيبتي تعالي، رحت وياها واني مستغربة طلبها شنو تريد؟!
دخلنة للغرفة سدت الباب وطلعت علاگة
مااعرف شبيها وخلتها بيدي
_شنو هاي؟
نحلاء: هدية ألچ اخذيها وركزي زين بيها
_شنو المناسبة وليش ماانطيتها الي هناك يم أمي
نجلاء: هسة عوفيها وأسمعيني
مأمون يسلم عليچ ويگول اني لهسة احبها
وشاريها واذا وافقت من باچر أرجع اخطبها
وشتريد أني حاضر
_ نصدمت من طلبة، شنو يخطبني مو مزوج هو وزوجتة حامل
نجلاء: ولچ ميريدها يومية مشاكل هم
ويتمنى يطلگها بس هية تموت علية وامي واگفة بطريقة متقبل هسة شگلتي؟
_مستحيل اقبل شلون ابني سعادتي على تعاسة غيري وفطيم بنت عميي مستحيل اكسرها لامااقبل وصليلة كلامي وگوليلة
انساني والله يوفقك بحياتك ويرزقك الولد الصالح
نجلاء: بكيفچ بعد اني العلية خبرتچ
وبقت يمچ كملت كلامها وطلعت وصلتها للباب
تلگتني أمي
تسواهن:شتريد منچ صارلچن شگد بالغرفة
_ماكو شي يوم سوالف بنات، حچيت هيچ وفلتت لأن شيخلصني منها اذا فتحت تحقيق
علية
دخلت للغرفة خواتي گاعدات برة سديت الباب وفتحت العلاگة بفضول طلعت شريط
شنو هاي طلعت جبت الرايدو مالت ابوي وخليتة بي
طلعت أغنية احلام(وشذكرك)
وشذكرك حب طوتة الليالي
حب مضى مابين قلبي وبينك..
راح الزمان من اول وتالي
الي عليه اليوم تبكي سنينك
يامارجيتك متعبٍ فيك حالي
يوم الهوا واقف على رمش عينك
..
..
بقيت اسمع بيها وأبچي أكيد هو لدزها
مو من نجلاء كافي كافي اطلعع من راسي عوفني عيش حياتك انساني وخليني اعيشش حياتي انهاريت بالبچي لحدما دخلت أمي علية طفت المسجل واخذتني لحضنها زادت بچيتي وشكيتلها من ألم روحي
_ولچ يوم شوكت انسى شوكت ارتاح كلما احاول اتناسى واتقبل الوضع يرجعوني لنقطة الصفر تعبت اني تعبت
تسواهن: كافي يلة اسكتي لاتبچين والله عرفت جيتها مو خالية هالنجلاء وانتِ تجذبين علية ومتحچيلي يلة گومي غسلي وجهچ وصلي صار الأذان وانتِ عالگة اغاني ميجوز يوم
_باستني. براسي وطلعت اخذت الشريط كسرتة ورجعت الراديو بمكانة صليت وحضرت العشة وية خواتي لان عدهن عطلة نكرب عليهن
___________________________________________
﴿ وَاذْكُر رَّبَّكَ إِذَا نَسِيتَ ﴾ :-
- سُبحان الله
- الحَمد لله
- لا إله إلا الله
- الله أكبر
- أستغفِرُ الله
- لا حَول و لا قوة إلا بالله
- سُبحان الله و بِحمده
- سُبحان الله العَظيم
- اللهم صلِّ و سلم على نبينا محمد وعلى اله محمد
| ♡︎
عجبكم البارت...؟
صوتوو.....
