{بسم الله الرحممن رحيم }
بقلمـــي سيــــدرا*
"اللهم اني إستودعك
ما لا يقوى قلبي ع فقده
_____________________________________________________
صبر النوارس خلص
والنهر لمن نشف ما گال أرد يمتة
باسم الخاقان....
.....
تنسيم: حيل حزت بخاطري حچايتها شنو اخلي ملابسي بالمخزن!؟
قويت روحي وحچيت وياها
عمة أريد مكان أنام بي وأرتب غراضي يامخزن تحچين عنة
رفعة: هية ذيچ غرفة چبيرة چانت لرجلج
قبل لايطلگ ساجدة وبعدين عافها وصار
ينام بالديوانة سويناها مخزن تردين نظفيها
وگعدي بيها
_لملمت نفسي وگمت منها دلتني نفوذ على
الغرفة تصير بصف الدرج فتحت ألية الباب وعافتني وراحت دخلت للغرفة چانت عبارة عن غراض متروسةوكراكيب هوسة كلش
ياربِ هاي شلون الواحد يگعد بيها عزت علية نفسي أنام هنا بس فكرت وين اروح لأن ذيچ غرفة زوجة علي الزغيرة وأكز غرف فارغة لأن البيت چبير بس ماأعرغ ليش مينطونة غرفة؟ عفت عزة النفس على صفحة ورحت غيرت
هدومي بالحمام لبست لبس بيت ولميت شعري ودخلت شكو غراض بالغرفة صعدتهن بالسطح وبنات علي وياية يصعدن خطية هنا زغار بس فادني فرغت الغرفة تماماً
رحت جبت غراض التنظيف من المنور وسعفتها وكنستها كلهة اختنگت من كمية التراب الطلعت منها بعدين رشيت مي وغسلتها غسل زين نظفت كلش
گعدت بالگاع أرتاح تعبت ولاوحدة منهن اجت تساعدني صار وقت الضهر واني بعدني ما مكلمة صعدت فوگ چانت اكو چرباية ام النفر مال عسكرية لون زيتوني ردت احد ينزلها وياي نزلت جوة چانو يتغدون بس تقي ماكو استحيت أحچي
بقيت واگفة عالدرج حماية علي رفع راسة شافني حچة
علي: هاي العروس اليوم هنا شلونچ يابة ان شاء الله زينة
_الحمد لله زينة
علي: الف مبروك الزواج يارب زواج الدهر
_شكراً الله يبارك بيك
علي: ليش ماتجين تاكلين ويانة
_لاشكراً مااريد هسة من اكمل شغلي ويجي تقي ونتغدة سوة
علي: شغلچ؟! ليش شعندچ شغل وشسوين فوگ بهذا الحر
_فرغت الغرفة لجوة الدرج النة واريد هاي الچرباية الفوگ اذا ماتحتاجوها بس ماگدرت أنزلها وحدي وتقي مبين يتأخر
علي: اي ادللي أنزلها الچ، بس ليش تنامون بالمخزن ابقوا بغرفتنة لبين ميشتري تقي غرفة وتتحولون بيها فوگ
_لا مشكور متقصر نگعد هنا لبين ميشتري
علي: براحتچ،. يلة خليني انزلها
