{بسم الله الرحمن الرحيم}
نبدي بقلمي.... ( سيدرا)
يلا نبدي بالقرائة
گلي لو تجبر
خواطرنه شيصير
عريان السيد خلف
___________________________________________
تنسيم: كلمة والدي كانت كفيلة ادخلني بصدمة لأن ممستوعبة السمعتة الموضوع أنسد صارلنة كم يوم ليش رجع انفتح مرة ثانية لاوموافق بعد جاوبتة واني أمثل القوة
شنو بابا انتَ مورفضت وسديت الموضوع
شلون تگلي احضر نفسي اني ماموافقة
وميصير تجبرني على شي مااريدة
رد علية بصوت عالي
غالب: مو بكيفچ أني ماجاي أخذ رأيج
اني جاي انطيچ خبر بسس
_ليش هو منو الراح يزوج غير أني
شلون ماتاخذذ رأي رجاءاً سد الموضوع
مستحيل اقبل ليش شناقصني واخذذ
واحد منفصل وعندة اطفال ها شناقصني
غالب: تسدين حلگچ ومااسمع منچ كلمة
الولد ماينعاب شماكان بس انتِ هم بعتبارچ
مطلگة لونسيتي سوايتچ بيوم عرسج وسويتي سالفتچ وسامحتچ عليها هسة
ماعندچ كلمة لان سقط حقچ وبقت بكيفي
الاوافق عليه أني انتِ هم توافقين وانتِ
الممنونة
_حرگ گلبي بكلامة صيحت بصوت عالي ونسيت نفسي ونسيت أبوي ميمشي بهالطريقة، والله ولاااقبللل وشتريد تسوي
سوي اكتل روحي ومااخذذة
بس كملت كلمتي چيت علية وسحلني من شعري سحلل ويضرب بية بدون رحمة ولاچني بنتة وطالعة من صلبة
.غالب: ولچ اني محدد يوگف بوجهيي
سامعة حقيرة تاخذينة وغصباً عليچ والا والله اكتلچ واحسب الله ماخلقچ
_گطع شعري تگطع أمي وخواتي يردن يخلصني من أيدة ميگدرن فقد علية عبالك متحمل علية، لحدما أمي تخربطت يلة عافني
تفل علية وگام
غالب: تحضرين نفسچ ومن يجون الجماعة
مااريد أي أعتراض والاوالله ميصيرلچ خير
ابد
_خواتي احتارن بأمي يگعدنها واني لميت شعري لگطعاه بيدة وسحبت نفسي ورحت
للغرفة تمددت بفراشي وأبچي بقهر ليش مكتوب علية التعب ليش مامكتوبلي افرح
شنو شفت من حياتي بعدني طفلة وابوي يستقوي علية ليش يعاملني هيچ هسة مااريد ازوج والله مااريد ليش ميعوفوني بحالي ثگلت عليهم لگمتي لوصرت عار لأن فصخت خطبتي بقيت الليل كلة اسال نفسي واجاوبها واصبرها وأگول يانفسي بعد شتشوفين من قهر اريد عيني تغمض ماكو راسي يريد ينفجر من الوجع والتفكير گمت اخذت حبوب من كل شريط وحدة ورجعت لفراشي صدگ شوية ونمت
بهاي الأيام أستمر أبوية يضغط علية واني اجاوبة ابد مااستسلمت وهو يموتني كتل
جسمي تعب من الكتل ونفسيتي تعبت صرت جلد وعظم لااكل ولاشرب يأست كلش ومابقى گدامي غير حل گمت فتحت الثلاجة وطلعت علاگة الأدوية وفرغتهن بأيدي ترست أيدي
وشربتهن وبقيت گاعدة بالمطبخ دنيا الضهر وأهلي نايمين واني وحدي شبعت بچي شوية وحسيت الدنيا تفتر بية أريد اگوم مااگدر دخت حيل ونفسي گامت تلعب عرگت وجسمي رجف سوادد قوي صار على عيني أريد أشوف مااگدر گمت هية گومة وهية وگعة ومادريت بنفسي بعد..
_مااعرف شگد مر وقت وصحيت لگيت نفسي بالمستشفى ضباب على عيوني مااشوف زين المغذي بأيدي احس بي حاولت افتح عيني شوية شوية سمعت صوت يمي اي هذا صوت اختي سحر تحچي وياي
سحر: تنسيم حبيبتي تسمعيني تنسيم فتحي عينچ يلة حبابة
_اسمع صوتها الهادىء واحاول أفتح عيني
شوية شوية وضحت عندي الرؤيا شفتها واگفة على راسي دنگت باستني على. شعري
سحر: الحمد لله على سلامتچ حبيبتي
موتينة عليچ ليش هيچ تسوين بينة
_من تذكرت الصار بچيبت بقهر شفتي أبوي شسوة بية ليش هيچ يعاملني والله كرهت نفسي من وراه
سحر: كافي لاتبچين موزين عليچ ماصدگت گعدتي يلة اسكتي كلشي وألة حلل
_الا هاي السالفة ماالها حل. تعرفين ابوي من يعاند بعد ميرجع بكلمتة لواموت گدامة
سحر: سدي هالموضوع هسة خلي صحتچ تتحسن وكل حادث حديث
_شگد صارلي هنا؟
سحر: من البارحة الضهر انتِ هنا همزين محمود گايم يشرب ماي وشافچ ومگعد أمي والا چان متي ومحد يدري بيچ هاي سواية تسويها بلة؟!
_لعد شسوي اريد ارتاح تعبت حيل تعبت
سحر: الله كريم ربچ مينساج صدگيني، امي خطية قبل شوية راحت تسبح وترتاح وترجع بالگوة قبلت
_اي مو أگول ماشفتها
سحر: يلة نامي ارتاحي اني رايحة برة بلكت الگي تليفون اريد اخابر اطمن على الاولاد
ضل بالي عليهم
_هزيت راسي وغمضت عيوني وهية طلعت
بين النايمة ولگاعدة احس احد يحچي وياي
ولمسات ناعمة على أيدي فتحت عيني
ولگيت زيد واگف على راسي وماسك أيدي
فزيت وجريت ايدي من عندة تأذيت حيل
زيد: على كيفچ على كيفچ لاتتحركين هسة اطلع بس اريد اطمان عليچ
_حچيت بخوف و اني اتلفت لحد يدخل علينة
عفية شجابك هنا هسة يجوون أهلي أطلع الله يخليك لاتسويلي مشاكل
زيد: راح اطلع بس گليلي شلون صرتي هاا وهاي ابوچ هيچ ضاربچ الله يكسرر أيدة ان شاء الله
_معليك انتَ لاتدخل عفية روح
___________________________________________
بسـم الله على قلوبِـكم حتى تهدأ، الله يجبر بخاطركم جميّعًا ويرزقكم من أوسع أبوابه
أن كان مال او عوض او صداقه أي شيء
..أمـيّن♥️
متحمسيننننن؟؟
البارت البعده كلشش ننارررر 🔥🔥
صوتوو.....
