السلام عليكم
(. بسم الله الرحمن الرحيم.)
نبدي بقلم الكاتبه سيدࢪا
﴿إِنَّمَا أَشْكُو بَثِّي وَ حُزْنِي إِلَى اللَّهِ﴾ .
__________________♡________________
فرح: هاي شبيچ يمعودة موااحجي وياچ صارت المغرب وانتِ نايمة أول تالي ياا
تنسيم يمعودة وين صافنة مواحجي وياچ متجاوبين
_مابية وخري مني دفعتها وگمت احس نفسي ضاگ ومخنوگة مااعرف شبية دخلت سبحت بلكت ارتاح مع العلم الجو زين بس اني مامرتاحة خلصت ورحت لامي تمشط شعري
ماالي قابلية اسوي شي
خطية مگالت لا وهية تريد تصلي گعدت وصارت تمشطلي
تسواهن: مابقى شي وترحين وتعوفيني شلون راح اصبر بدونچ بس يلة مو بعيدة علية بس اشتاقلچ اجيج ولچ شبيچ يوم مواحچي وياچ
شو روحچ رايحة
_مااعرف شبية امي احس روحي عتطلع
كارهة كلشي بالحياة
تسواهن: اسم الرحمان يحرسچ يوم هاي لان بقيتي نايمة للمغرب،
سحرر
تعالي لأختچ شوفيها مدري شجاها!
_اجت سحر اخذتني ورحنة للغرفة گعدت يمي وحچت
سحر: شبيچ حبيبتي شو نگلب حالچ اليوم
البارحة طايرة من الفرح صاير شي وياچ
ليش هيچ حالچ؟
_بچيت بحسرة وگلت
ماأريد اتزوج سحرر عفية لاتزوجوني
سحر: شنوو؟!
شبيچ تخبلتي ليش شصار مو البارحة مكيفة وتضحكين ورحتي للدوام كلشي مابيج
شغير رأيچ هاا؟
_مااعرف مااعرف احسن نفسي تسرعت مااريد مأمون عفية سحر لاتخليهم يزوجوني ألة
سحر: لاا أنتِ تخبلتي رسمي ولچ بعد باچر الحنة مالتچ هسةتذكرتي متردي احچي
شصاير وياچ
_لاتصيحين عفية ماصاير شي بس مااريدة احس نفسي مامتقبلتة ليش متفهمين علية
عفتها وگمت لفيت راسي بفراشي وشبعت بچي شگدحاولت تحچي وياي ماحچيت مااعرف شريد ليش هيج ديصير وياي ياربِ أريد أموت
محد يحسس بية
بقيت بفراشي فترة طويلة كُل شوية احد يجي بيهم يگعدني ومااقبل اگوم أخر شي اجت سحر سحبت لفراش مني وگومتني غصب
سحر: شوگومي شجاج شنو هالطاقة السلبية الانتِ بيها يلة امشي خطيبچ اجة يريد يشوفچ
_بس سمعت اسمة نقبض گلبي، لاعفية لامااريد اشوفة گوليلة نايمة عليچ اللة مااريد اشوفة البارحة شفتة شعندة اجةة؟!
سحر: ليش تخليني اكسف احوالچ هسة امشي غيري هدوم وروحي شوفي شيريد ولاتكسرين فرحتة ترة تعرفين ابوية شيسوي يلة أستعجلي
عافتني وطلعت گمت غصباً علية حتى ماغيرت ملابسي بس طلعت غسلت وجهي وفتت للصالة سلمت وگعدت چانت امي يمة وابوي مااعرف وين طالع من دخلت عافتنة وطلعت تقرب علية راد يلزم أيدي فزيت وبعدت عنة تعجب من تصرفي
مأمون: شبيچ حبيبتي صاير وياچ شي ليش وجهج أصفر
_رفعت عيني علية شكلة قبيح حيل مو مأمون الاعرفة لاا فزيت وگمت ابچي
وأصيح اطلع اطلع مااريد اشوفك اطلعع
منااا
تخبل من تصرفي يريد يمسك أيدي واني تخبلت بالزايد اريدة يعوفني ماكو لزگ
بية واني روحي طلعت منة واصيح
عوفني مااريدك لاتلمسني لاتتقرب يمي
على صوتي دخلن امي وسحر يردن يعرفن
شصار واني بس ابچي واريدة يعوفني
مأمون: شبيچ تنسيم تخبلتي ولچ شصارلچ
اني حبيبچ تنسيم باوي بعيوني
حبيبتي بس أهدي اهدي
_ دفعتة بكُل قوتي الباقية ورحت أركض
اريد اطلع من الصالة مسكتني سحر حيل
وتصيح علية وأمي تعتذر من مإمون وهو يباوع علية بكسرة بدون ميحچي شي
دفعت ايد سحر مني ورحت للغرفة اركض وقفلت الباب علية ابچي بقهر وحرگة
واصيح مااريدة خلي يطلع ولكممم مااريدة
صوت امي وهي تغلط وتصيح وصوت سحر تهدي بيها وتلوم بية موتاني سديت أذني أريد اصواتهم تختفي تعبتتت تمددت بفراشي وخليت المخدة على راسي بس حتى احجب الأصوات عني ميحسون بية ابد
شوية وصار هدوء أختفت اصواتهم
ورحت بالنوم ونفس الشي تكرر عندي احلام مزعجة واكثر شي بمأمون شكلة بشعع ويريد يتقرب علية واشرد منة تعبت حيل افز واارجع انام للصبح اني تعلعلت بنومتي
گعدت مثل كل يوم الصبح لگيت اهلي گاعدين وامي بالمصبخ تجهز الريوگ
رحت صبحت عليها ماردت علية
تقربت يمي گرصتني من أيدي وحچت
تسواهن: أبوچ مايدري بالسواية لسويتها البارحة لمي نفسچ ولاتتسودننين علينة
وهسة تخلصين وتحضرين نفسچ راح تجي عمتچ وبتها يجيبهم مأمون حتى ترحين تسوين شعرچ فاهمة
بس سمعت اسمة وراح يجي واني فقدت نسيت ابوي موجود نسيت نفسي احس روحي مواني الاحچي صيحت بعلوا صوتي
_مااريدة ولكم مااريدة شنوو تجبروني والله اقتل نفسي ومااخذة لاتخلوا يجي ولچ يوم حسيي بية فدوة راح اموت مااطيق اسمع اسمة، على صوتي دخل ابوي واخواني
غالب: شنو هذا الصياح منو متردي قليلة الادب
_مأمون والله لوتذبحوني ماازوجة
بس كملت جملتي مسكني من شعري ويضرب بية بدون رحمة بأيد وحدة ومااگدر اخلص روحي منة بالگوة سحر وفرح جرني من جواه ودخلني للغرفة
واني أبچي جسمي كلة يوجعني من الضرب
شوية وسمعت الهوسة زادت وصوت عمتي ومأمون واختة وابوي وهوسة صارت
بعدني اسمعلهم ودخلت علية عمتي تصيح
ام مأمون: ولچ مگموعة شنو هالكلام ولچ ماتردين ابني تاج راسچ هذا حقيرة هسة تذكرتي ماتردي بعد ماورطتينة وياچ هاا احجي اكيدد شايفتلچ شوفةة
مأمون: يووممم شنو هالكلامممم كافي طلعوا خلوني وياها
غالب: اني اطيح حضها مو بكيفها شنگول للناس وباجر الحنة هااا ميألفون علينة قصص غصباً ماعليها تزوج
"" "" "" "" "" "" "" "" "" "" "" “"""""""""""""""""
{وَنَادَىٰ نُوحٌ ابْنَهُ وَكَانَ فِي مَعْزِلٍ يَا بُنَيَّ ارْكَبْ مَعَنَا وَلَا تَكُنْ مَعَ الْكَافِرِينَ}
عجبكم الباࢪت؟
صوتووو.........
