(. بسم الله الرحمن الرحيم.)
باࢪت_5_
نبدي بقلم الكاتبه سيدࢪا_♡
﴿ ᷂وَاذْكُر ᷂رَّبَّكَ ᷂إِذَا ᷂نَسِيتَ ﴾
- ᷂لآ ᷂آلهَ ᷂الا ᷂الله.
- ᷂سبحَان ᷂الله ᷂وَبٓحمده.
- ᷂سبحَآن ᷂الله ᷂العظيم.
- ᷂استغفرالله ᷂واتوب ᷂اليه
طوينة ايام ماضـينـة
نسينة شلون چنة بشوگ نفرح لو
تـلاگيـنة
( عريان السيد خلف)
..........
مابقى شي للعرس غير كم يوم حددنا بداية
شهر الرابع نتزوج، طلب من عندي مأمون
أخذ أجازة مقبلت لأن تصير طويلة گلت يقرب العرس كُلش يلة،
من أرجع من المدرسة
بس ابدل واكل لگمة تاخذني أختي سحر وأمي نجهز تقريباً خلصنا كُلشي
لليل رحنا لبيت عمتي حتى نرتب الملابس ماردت أروح بس هو أتصل
وطلب من عندي أجي اشوف الغرفة
ماحبيت أرد طلبة وافقت
رحنة اني وأمي وسحر خطية مبتلية
بية كلشي وركضنة عليها لأن أمي مو كُلش تعرف بهالسوالف،
أستقبلونة بيت عمتي مكيفين بينة
صعدت فوگ اخذتنة عمتي للغرفة والبنات خواتة ويانة، مأمون ماشفتة لهسة وماسألت عليه أستحيت دخلت للغرفة
كُلش حلوة چانت مرتبة وريحتها تخبل
طلعت عمتي وعافتنة نزلت يم امي لأن متگدر تصعد فوگ وبقينة اني وسحر نرتب بالملابس
ونسولف وهية تعلمني واني أستمع ألها
قريب منخلص انفتح الباب فجأة
ودخل مأمون من شاف سحر تراجع
وسلم عليها
مأمون: شلونج ام محمد
سحر: اهلاً مأمون انتَ شلونك اخبارك
متبين هالفترة وينك
مامون: والله تعرفين تجهيزات العرس والتحضيرات وملتهين انتِ شلونچ ابو محمد الولد
سحر: الحمد لله بخير الله يسلمك يلة تعال احنة كملنة اني أنزل جوة سولف وية عروستك
_عافتنة سحر ونزلت تقدم عليه وهو ياخذني بحضنة باسني من راسي وگال
مأمون: اگول البيت منور اثاري الگمر عدنة
_شلونك مشفتك اول مدخلت
مأمون: من شفتج صرت زين،
اي صحيح چنت طالع وزعنة البطايق على الناس وهسة رجعت من العصر لهسة يلة خلصت
_الله يساعدك، يلة اني انزل جوة هسة امي تبقى تحچي علية
مأمون: بس بعدنة محچينة شي ولاشبعت منچ
_ههههه مابقى شي واجي يمك بعدين تمل من عندي
مأمون: امل من الدنيا كلها ومنچ ماأمل
_ابتسمت بوجهة بدون كلام اعترف اني فاهية بهاي السوالف أكتفي بالابتسامة لاأكثر
قطع صفنتي وهو يگول
