السلام عليكم
(. بسم الله الرحمن الرحيم.)
نبدي بقلم الكاتبه سيدࢪا_♡
مثل ظلك جنت بالخطوه
نمشي ثنين
مشيت انتَ بِظَلاَّم وضيعت ظلك،"
﴿ وَاذْكُر رَّبَّكَ إِذَا نَسِيتَ ﴾ :-
- سُبحان الله
- الحَمد لله
- لا إله إلا الله
- الله أكبر
- أستغفِرُ الله
- لا حَول و لا قوة إلا بالله
- سُبحان الله و بِحمده
- سُبحان الله العَظيم
- اللهم صلِّ و سلم على نبينا محمد وعلى اله محمد
| ♡︎
___________________________________________
مأمون: ليشش ولچ ليشش تنسيم اني ميت تعرفين شنوو ميت ليش تخليتي عني ليشششش
_نزلت دموعي واني احجي سامحني والله موبيدي ماچنت واعية على نفسيي مأمون ليشش تزوجت ليشش ماانتضرتني
مأمون: اششش لاتگولين سامحني لاتگوليين متندمة شگد حطيت وياچ شگد توسلت بيچ وانتِ راسچ يابسس، من يومها واني مانايم
من يومها فقدت طعم الراحة خذتي كل شي بحياتي حلو ورحتي حتى خبر حمل زوجتي مافرحت بي چان المفروض هذا الطفل انتِ أمة بس اخخخخ روحي مني روحي تنسيم الله لايسامحچ لادنيا ولااخرة
_حچاها وطبگ الخطط،
بچيت بعلوو صوتي وعيطتت اللهييي ساعدني مالي غيرك يارب بردد گلبي
ولككك مأمون ليش تسوي هيچ بية والله
موبيدي الصار والله تعبت عيوني من البچي
گمت من مكاني بيأس عفت البيت ودخلت للغرفة لفيت راسي ونمت أهرب من واقعي المؤلم..
مرت الأيام والأشهرعلى نفس الروتين بيوم أجة ابوي حچة وياي كدام أمي وگال
غالب: اليوم دكتور زيد رجع طلبچ مني يگول اني لهسة رايدها وشاريها وشتطلب يصير
شتگوليين انتِ
_بكيفك يابة، حچيتها وگمت احسس حياتي صارت مسيرة مو مخيرة مااحس الي حق أرفض ولااتناقش بشي كل هاي الشهور المرت واني كلامي قليل واكلي قليل حتى اهلي شگد حالوا يطلعوني ويغيرون جوو بس ابد احس بتأنيب الضمير واحس خربت حياتي،
من عرض ابوي طلب دكتور زيد مارفضت
لان هو مايتعيب أبد ويحبني وشاريني
واني اريد اخلص من واقعي بلكت تتحسن نفسيتي شوية، صارت سالفة خطبتي حديث البيت بهالوقت بس لهسة مصار شي رسمي
فقط كلام
اجونة عمي وزوجتة عزمونة على عرس
بنتهم سعاد انخطبت قبل فترة لشخص متزوج هية راح تكون الثانية ومكيفة بهالشي
ماعدنة علاقة قوية بعمامي بس بالمناسبات
نروحلهم ويجونة
خواتي كيفن وبدن من هسة يحضرن بملابسهن لان يردن يرحن بس أني ماقبلت أروح بس أمي جبرتني ورزلتني يلة قبلت احضر بس مارحت بالحنة همة راحوو لان مالي خلك رحت بالعرس بدلت وكشخت
ورحنة وياهم للزفة چانوا أهل العريس من المركز بالموصل يعني مسافة حيل بعيدة علينة بس صارت الزفة تخبل دگ ورقص
حيل فرحت وتغيرت نفسي بهالروحة وخواتي مكيفات هم مو حباً بسعاد لا اصلاً هية متحبنة ولااحنة نحبها ماادري عليمن شايفة نسفها نرسمت الفرحة على شفافي شوية وغيرت جو بهالروحة بس لواادري يصير لصارلي بسسب هالروحة چان لارحت ولاوصلت ....
عجبكم البارت؟
صوتوو.....
#يتبع
