{بسم الله الرحمن الرحيم}
نبدي بقلمي ....(سيدرا)
احــس گلبي الفضـي متعــوب حـــد
الويـل ودعيلـة الصبر عن لا يفشلني
لـ عريان السيد خلف
....
..........
..............
تنسيم: طلعت الطفلة وأني كملت تمشيط ورتبت نفسي وطلعت أسلم عليهم دخلت
للصالة سلمت ردو السلام بوست شاها اخت
تقي وجهالها عدها 2ولد درت وجهي على
رجلها چان يباوعلي بنضرات وسخة عفتة وگعدت على صفحة أباوع علية شكلة قبيح حيل وگلبي ماأرتاحلة أبد چان أسود البشرة ولحية طويلة واصلة لصدرة وشعرة طويل
ولابس دشداشة بس قصيرة وجواها سروال
وعرقچين خضرة مال سادة
درت وجهي من عندة وأني روحي كاشة منة
وجهت شاها الكلام ألية
شاها: شلونچ تنسيم شخبارچ تقي شلونة
_أني زينة الله يسلمچ وتقي بالدوام صارلة كم يوم
شاها: أي خطية أجة زارني قبل ليروح ان شاء الله مرتاحة ويانة؟
_أيي ذيچ الراحة الزينة حچيت بگلبي
جاوبتها
هاا أي كلشش مرتاحة
شاها: دومچ يارب شوكت يجي تقي
_هاي الأيام مايتأخر لأن صارلة هواي بالدوام
شاها: يجي بالسلامة يارب
_آمين،. كلامي وياها چان رسمي، شوية وگمت
ماارتاحيت لرجلها ترخصت من عدهم ورحت لغرفتي حيل تعباتة النهار كُلة أفتر بالبيت
بس خليت راسي عالمخدة رحت بالنوم
فزيت الصبح على ختام وهية تهز بچتفي
ختام: گومي يلة ماشبعتي نوم طلعت الشمس
عمتي تصيح عليچ
_يبووو يعني الواحد مايرتاح شوية ترة الساعة ب7 شعدكم دوام والله تعبانة
ختام: گومي گومي لاتتعايرين علينة كُلة گاعدين شنو وحد من عدنة انتِ ؟
_گايمة، طلعي متستحين ادخلين للغرفتي بدون أستأذان هاا؟
ختام: ديلة علساس شلون غرفة عندچ چنهة خرابة گومي خلصيني
_عافتني وطلعت شگد صلفة هالختام هاي الله يساعد رجلها عليها، نهضت من فراشي وطلعت
غسلت وجهي ورجعت صليت ورحت للمطبخ لگيتهم متريگين عايفاتلي بيضة على الكاونتر
طگيتة وشوية خبزة وأكلت وأني واگفة رحت بسرعة عجنت وبعدين طلعت للگراج نظفتة
هو والحديقة ورجعت خبزت متت من التعب احس الحرارة تطلع من اذاني الجو حار يكتل بداية تموز كملت ورحت سبحت من طلعت تلگتني خولة تريدني وياها بالطبخ وما لازم أعترض رحت ساعدتها ل12خلصنة كل أحنة
عمتي تبقة گاعدة وتشرف علينة ويمها بنات علي من خولة علي ماعندة ولد بس 5بنات من خولة نفوذ وختام ماعدهن جهال
أجة عمي الظهر هو وعلي وتغدينة اني اذا تقي مو هنا ماأگعد وياهم بس علي يصيحني ويگعدني يعاملني مثل بناتة وهنة يموتن من الغيرة الوحيد بالبيت هو يحبني ويحترمني
