{بسم الله الرحمن الرحيم}
نبدي بقلمــي(سيـدرا)
تره العاگول من ضيمة صبح
عاگول لو مرتاح چااا وررد
عريان السيد خلف
🗣: يارب قد اهَلكُني التعب !
[ وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ] 🦋.
....
تفاعلو وصوتو ع لبارتـ ♡ لطفاً ✨🖤
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تنسيم: رجف گلبي من كلامة اني أعرف شنو يقصد سحر شرحتلي على الزواج ولازم أطيع زوجي وماارفض طلبة لأن تعتبر عيب بحقي
بس من صارت صدگ وحاول يتقرب علية احسن روحي لعبت ماتقبلتة نهضت من الچرباية وگفت على صفحة جسمي يرجف والدموع ملت عيني تقرب علية ومسك ايدي
تقي: شبيچ تنسيم ليش هيچ عيونچ تريد تبجي لاتخافين مااسوي شي بدون رضاتچ
مااجبرچ على شي
_نزلت دموعي وحچيت اني اعرف لازم اسمع كلامك بس صدگني مامرتاحة احس شي على رگبتي خانگني نطيني مجال شوية مسح دموعي وگال
تقي: هذا هو لاتبچين تعالي غيري ملابسچ ونتعشي ونام كلشي مااسويلچ الابرضاتچ متفقين؟
_هزيت راسي اي اي يلة اروح ابدل بس انتَ
غمض عيونك ولاتباوع علية أبتسم ورد
تقي: أني طالع اجيب العشة وانتِ أخذي راحتچ
_كمل كلامة وطلع أني بسرعة فتحت الجنطة لگيتها يم الباب بيها ملابسي هو دخلها ويانة فتحتها وطلعت ثوب مال نوم لان روب العرس ماحبيت البسة هسة نزعت البدلة بسرعة وغيرت ملابسي صفطتها وخليتها على
صفحة رحت للمراية فتحت شعري جانت التسريحة بسيطة والمكياح بقيتة لأن ماكو حمام واغسل بيه صارت عيوني تتجول بالمكان چرباية وكنتور وبوفية عليها فراشات وسلة مال ملابس مال اطفال صورة هاي
لبنية لحچت وياي وياها رجال وجهال تأكدت هاي غرفتها زين ليش هنا دخلني معقولة ماعندة غرفة!؟ بس هو حالتة زينة زين ليش ممجهز غرفة راح اتخبل قطع
تفكيري صوتة وهو يدخل الغرفة چان شايل صينية العشة بأيدة والايد الثانية سد الباب بيها خلاها عالچرباية وگال
تقي: تعالي تقربي اكلي لگمة وجهچ أصفر أكيد ماماكلة شي اليوم
_تقربت واني احچي اي صحيح مااشتهي
گعدت يمة سوالي لفة وقدمها ألي ماحبيت أردة أخذتها من عندة واكلتها بقينة ناكل بهدوء
يسوي لفات وينطيني واني استحي اردة وهم جوعانة اكلت لحدما شبعت من خلصنة شال الصينة وطلع احتاريت اريد اغسل وافوت حمام بس والله استحي احچي من دخل شافني واگفة يم الباب
