{بسم الله الرحمن الرحيم}
نبدي بقلمــــــــــي.. 💗
تصويت ع الباࢪت لطفاً
ناسيك بس لحظة ضعف
جبرتني اسولف عنك
معقولةة اجـة اليوم الصرت
اشتكي لغيرك منك
🗣️:﴿قالا رَبَّنا إنَّنا نَخافُ﴾
﴿قالَ لا تَخافا إنَّنِي مَعَكُما أسْمَعُ وأرى﴾
ــــــــــــــــــــــــــــــــــــــــــــــــــــــــــــــــــــــــــــــــــــــــــ
سحر: اي عفية بالحبابة يلة حبيبتي لاتتأخرين
_لامااتأخر روحي، طلعت سحر واني غيرت ملابسي بفستان جوة الركبة حلو ومرتب لون زيتوني صار بلون عيوني ونزلت شعري.طلعت كلشش حلوة سميت باسم الله وطلعت سلمت عليهم گامن تلگني وباوسني بس الوجوه
معبسة عبالك جايات مجبورات
بقينة گاعدين امي سألتهن على ام تقي جاوبت وحدة منهم
خولة: والله عمتي مرة چبيرة وتعبانة وماتگدر تجي شنو حجية لازم احنة مو گد المقام
تسواهن: لايوم محشومة بس كلت ليش مااجت
سعاد: شبيچ عمة گنالچ مريضة، بعدين هو تقي لح علينة وتخبل على تنسيم عبالك مدري اشايف منها
تسواهن: اشايف قابل ثمني كلامچ سعاد تدرين بي هو يحب عمچ ويريد يناسبة.
سعاد: اي صدگت، المهم اسمعي تنسيم ترة تقي عندة ولد 2 وطليقتة بنت خالتة واحتمال يجي يوم ويرجعها لاتستغربين هاي اني گتلچ وبعد انتِ بكيفچ تردين توافقين تردين ترفضين من هسة
_ردت عليها وحدة من عدهن يمكن اختة
شاها: لاعيني ميرجعها لاتخافين حبيبتي
تقي اخوية خوش رجال وينشد بي الضهر
امني من عند وان شاء الله قسمتكم تصير سوية
_بقن يسولفن بمواضيع العرس ويتفقن بيناتهن واني بالي مو يمهم من هسة ذني شادات حيلهن علية اذا اعيش وياهم شلون الله يسترر ويقدم لبي خير الي
شوية وصاحوا عليهم سلمن وطلعن ابد ماحبيت وحدة بيهم وجوهن حتى رحمة مابيها، من راحوا دخل ابوية واجتمعنة بالهول
غالب: هاشفتوهم خوش ناس ترة
تسواهن: ياخوش ناس حجي الله وكيلك من گعدن لحدما گامن هنة بس يبسمرن وسعاد ولاعبالك بتنة وتنسيم بت عمها لاا بكل طريقة تريد تدفعها عبالك راح تاخذ رجلها مو اخوو
سحر: عدل كلام امي يابة وبعدين أمهم ليش ماأجت اكيد ماقابلة واذا العمة ماحبت الچنة مستحيل ترتاح وياها
