{بسم الله الرحمن الرحيم}
نبدي بقلمي...(سيدرا)
________________________
وهاي صار سنين اعاني
ومثل قُرآن المَحَاكم
كُلهم يَحلفون بأسمي
بَس ولا وَاحد قَراني .
﴿ وَاصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ ﴾ ✨.
___________________________________________
زيد: مااروح الاتسمعيني،
تنسيم اني احبچ ولهسة اريدچ وابوچ مااعرفف شبي وياي يوم يقبل ويوم يرفض اجاني للجامعة فضحني هناك ومااعرف شنو ذنبي تنسيم أني احبچ وشاريچ وبس تطلعين هم اجي على ابوچ بلكت يقبل واذا رفض اخذچ وانهزم بيچ سامعةة
_بچيت بقلة حيلة اخاف لايجي ابوي وتصير كارثة عليك الله اطلع هسة والله اذا احد شافك اتأذة اني يرجعون علية روحح
زيد: رايح حبيبتي رايح بس لاتنسين فكري بكلامي وماعندچ غير العافية
_طلع من الغرفة يلة گدرت. اخذذ نفس
مبين مايدري بخطوبتي چان سوالنة هم هوسة حسيت اختي سحر فتحت الباب
غمضت عيوني مااريدها تشك بشي شوية ورحت بنوم عميق ماگعدت الا على صوت الدكتورة وهية تحچي وي اهلي
دكتورة: تگدرون اطلعون اليوم بس لازم تهتمون بصحتها لان جسمها تعبان وغذوها زين وماعدها غير العافية
سحر: الله يعافيچ دكتورة شكراً تعبناج ويانة
الدكتورة: واجبي هذا ماما
_ خلت وطلعت، تقربت امي باستني وكالت
تسواهن: ليش هيج تسوين بية هانت عليچ امچ وتردين تعوفيها وترحين؟
_حچيت بغصة سامحيني يوم الله يخليچ
تقربت علية وتحچي
تسواهن: مسامحتچ ليش اني اگدر ازعل عليچ يلة شدي حيلچ خلينة نطلع اختنگت من ريحة المستشفى
_كملوا الاجراءات واجرت امي النة تكسي ورجعنة للبيت دخلت تلگنة اخواتي سلمن علية واخواني، سحر رجعت وية التكسي يوصلها لبيتها لان ولدها وحدهم واحنة نزلنة
دخلني البنات لغرفتي تمددت بفراشي ارتاح
شوية وسمعت صوت ابوية قريب عالغرفة
حيل خايفة من ردة فعلة ومااعرف شيسوي راح والله جسمي بعد مايتحمل ضرب أبد
دخل علية وبقى واگف بالباب مچتف أيدة
ويحچي وعيونة تخزرني
غالب: سوايتچ السويتها بس الطالعات من الطريق يسونها ولمسويتلها سالفة غمة تسويها شنو الشي لخلاچ تلجأين للانتحار لان ردتچ تتزوجين وتنسترين هاا
طلايبچ كثرن وماامن بعدد تبقين بيتي اكثر من هيچ بس تگومين على حيلچ ازووجج واخلص منچ لاتسويلي مكسورة وتنزلين راسي
_كمل كلامة وطلع بس مو كلام عادي لاا عبالك سچاچين ونومهن بگلبي هسة اني صرت يخاف يخليني عندة خاف اسويلي مكسورة، بچيت بهضم على حالي وخواتي يصبرن بية
فرح: كافي تنسيم لاتبجين عليچ الله
والله موزين عليچ لاتهتمين لكلام ابوية
تعرفين هو هذا طبعة
غيدة: انتِ ليش ماتقبلين بتقي ترة والله خوش رجال وحباب وحلو هم ازوجي وخلصي شعندچ گاعدة يمنة
_باوعت عليها بخزرة وماجاوبتها كلشي ميعرفن هنة لفيت لراسي وعفتهن يحچن وحدهن
كم يوم مرت وصحتي الحمد لله تحسنت
وكمت على حيلي
الدنيا ليل واگفين بالمطبخ نحضر العشة أني وأمي ومانسمع بس الحجار ينشمر علينة الجام تفلش والباب نرگع ونسمع صوت الصياح
بالشارع طلع ابوي يركض واحنة وراه
مديت راسي من الشارع واشوف الناس لازمة زيد ليريد يهجم على ابوية ويصيح بصوت عالي مبين سكران لأن حچية مامفهوم ابد
زيد: وللككك غالببب الكلببب تريددد تزوججج زهرتييي لغيرييي غاللببب تريدد تكسرنيي مرةةثانيةةة ولكك الياخذهةة اكتلةةة واكتلهةة واكتلل روحيي وراهااا ولكممم زهرتي أليي محدد ياخذهااا منييي
_يحچي ويجر بالكلمة جرر فضحنة بنص الشارع ابوي يريد يهد علية يكتلة والعالم ماتخليي لحدما اجة واحد وراة بسيارة يمكن اخوو شبگاه واخذا غصب عاد العالم هدت ابوي ودخلوا جوة اني شردت بالغرفة اخاف يرجع علية بعني ماگاعدة ودفع الباب وطب يحجي بصياحح
غالب: شفتي ولچ نفضحت بنص المنطقة من وراچ حقيرة اني تالي عمري واحدد مثل زيد الكلب يغلط علية اخخخ لو لازمة الااعدمة العافية، سمعيني زين راح اخابر تقي يجي ونتفق وعلى الله اسمع صوت منچ لو تعترضين والله هالمرة صدگ اذبحچ
_هزيت راسي بخوف موافقة لان شكلة عصبي وبعد مااگدر اسوي شي أستسلمت للأمر الواقع وخليتها ورة ربِ هو اكيد ضاملي الاحسن
طلع ابوية وعافني اني حتى ماطلعت من الغرفة بعد ولاكمللت العشة بقيت أرتب بكنتوري احاول ألهي نفسي بشي لأن اريد انفجرر من القهر
مرت كم يوم وأجوي علينة عيال سعاد
الدنيا عصر وابوي موجود هو استقبلهم
الزلم بالصالة والنسوان. يمنة بالهول
اني بالغرفة اروح وارجع مااريد اطلع الهم ولااريد اشوفهم شعدهم اجوي، دخلت علية سحر چانت عدنة لان ندري بيهم اليوم يجون منطين خبر لأبوية شافتني بملابسي عصبت علية وحجت
سحر: انتِ ليش عنودية هاا تريدين تفشلينة يلة بدلي و طلعي عيب من الجماعة صارلهم شگد گاعدين
_ماعفية والله استحي وبعدين مااريد اتزوج عوفيني
سحر: اهوو انتِ ماتملين كافي عاد تنسيم ارضي بنصيبچ احسلچ يجوز ترتاحين ليش متشائمة من هسة يلة حبيبتي گومي عيب من الناس لاتجي أمي وترزلچ
_منو جايي منهم؟
سحر: سعاد ونسوان علي اخوهم الچبير
واختهم
_ماشي هسة ابدل واجي امري لله..
___________________________________________
دَونَك ما مَتت !
هَذا إنة وَحدي .
تُكبر ، تَعلة ، تَغلة ! تَصير أحوال
هَم تُبقى فَلس ما تَسوى عِندي .
_____________________
﴿وَفِي السَّمَاء رِزْقُكُمْ وَمَا تُوعَدُونَ﴾.
عجبكم البارت..!؟
البارت البعدده كللشش ناااررررررر. 🔥🔥!
صصوتوووو........!
