ضالمه ومضلومه🎭

بارت5

ميخالف يروحي تحمليهم..
هذوله اعزاز ميزعل حچيهم..
.
.
.
.
.
.
طلعت السچينه من بطنها رفعت راسي شفت عيونها مفتوحات عله وسعهن ذبيت السچينه بالگاع ورحت عالجرارات ادور بيهن عله مگص لگيت بالجرار اخذته ورجعت عليها گصيت شعرها هلسته تهلس صفحه طويله وصفحه قصيره وهيه ترافس جوا ايدي مثل الطير المذبوح گصيت شعرها لان چان حيل طويل وكلش تحبه ومعتنيه بي چان روحها من الدنيه شعرها وگصيته الها اخذت حقي بأيدي وصرنه متعادلين هيه كسرت شي عزيز عليه وكسرتلها الاعز...رفعت راسها بيدي وخليت السچينه عله رگبتها وشخطتها انجرحت جرح شوي بصيط وخليت وجهي بوجها وگتلها

شفاء::اريد اشوف بعد بشنو تعتنين وبشنو تتباهين وهاذا لاشيء بالنسبه الي صدگيني هايه بس جرة اذن  افتهمتي لو لا ومااخاف من أي بشر كاأن من يكن وحگ داحي باب خيبر اذبحچ بليله ضلمه ماكو جوا گمرها غيرچ وغيري

وعفتها وطلعت رحت گلت لخاله سعاد تخابر ابويه وتگله مرته مطعونه تخبلت خاله سعاد راحت تركض وانه عفت البيت وطلعت رحت لبيت خاله سعاد يم زينب دگيت الباب فتحته زينب

زينب::لچ هاي منو منورنه اليييييوومم

شفاء::شو دوخري

عفتها وفتت جوا شغلت التلفزيون ومددت عالتخم اجت زينب متخوصره

زينب::بشرفي مو مال واحد يحترمچ

شفاء::بشرفي راح اگوم اورچ ور انه بيا حال چني مطلگه وانتي تگليلي منوره

زينب::يابه مامنوره ابد مامنوره وچنچ فسيفس

شفاء::أي هيچ تمام يلا ولي جيبيلي مااء

زينب::اجيبلچ مااء ليش مااجيب

راحت جابتلي مي واجت انطتنيا شربته وچان اختنگ تارسته ملح
ذبيته من حلگي وهيه خربت ضحك رحت بسرعه شربت مي من البراد وطلعتلها گمت اركض وراها انه اركض وهيه تركض لحد مالزمتها ونطيتها المقسوم يلا عفتها رجعت گعدت اجت گعدت بصفي

زينب::شفشف

شفاء::خير اللهم اجعلهُ خير

زينب::ابوچ مو عنده فلوس كومه ليش متبوگين منه وتجيبين تنطينياهن ونجمعهن يمي لحد ميصيرن هواي نطلع عله فد مكان نغير جو

شفاء::لچ ابوس عقلچ الي امدد بي مطي

زينب::يااا ليش وهاي فوگاها ولچ والله نغير جو ونشتري ملابس نفس الشي ومكياج علمود نصير بنات والعباس چنه زلم عوزنه بس شوارب

شفاء::خوش بس هسه ماگدر ضروفي متساعد خلي اطلع من هالشده عودين الله كريم

زينب::يحح ليش شصاير ولچ شمغبره هلمره

شفاء::لاشيء فقط طعنتو زوجة ابي وجئتكي هاربه بروحي العزيزه

زينب::فلك صابچ كون ولچ شلون طعنتيها يمصگوعه

أخذت السچينه من صحن الفواكهه الي عالميز وذربتها بالهوا وگتلها

شفاء::هيچ

بقت فاكه حلگها وتباوع گتلها وين صفنت أبو صبوري

زينب::لچ شلون گدرتي ييمهه والله گمت أخاف منچ يم گصايب

شفاء::لچ كسرت لعابتي وتردين اسكتلها لا والله مو انه اليكسرون أشياءها وتسكت

زينب::يااااااا كسرت سلسبيل دهر الدهرها كون حته هاذي مخلصت منها امداها كون

شفاء::لچ كسرتني كلي مو بس كسرت سلسبيل والله كسرتني

(هسه اكيد البعض يگولون مبالغه أو شي بس والله مو مبالغه ابد) (صعب من تتعلق بشي وفجاة تخسره بدون سبب حته لو چان) (بصيط وصغير لاكن بداخلك يكون چبير💔)

زينب::اووف عليچ يعني حته بهاي حاربتچ هالماتخاف ربها

شفاء:: مسلمتها بيد الله

زينب::ونعم بالله ناميلچ شوي عيونچ يلزگن انتي نامي وانه اگعد احرسلچ خاف يجون شرطه شي شياتين حته راساً اطگطگ نعالاتي واشرد بروحي العزيزه

شفاء::رحم الله والديچ متقصرين

زينب::مو مالت اگلج ووالديچ لان ثنينهم گواويد حشاي

شفاء::دگومي من يمي لا اگوم ابعجچ بالسچينه

زينب::يييمه يمعوده گايمه گايمه اروح اقرا احسن بس اذا اجتي الشرطه ولگفوچ يمي اگللهم ماعرفها بري منها حته الله اگللهم اخرجوها من بيتي فوراً

شفاء::اخرجي من يمي لا اگوم اسويلچ تسيجل خروج من الكره الارضيه

زينب::چاو يمعوده چااااووو ااامممححح

راحت زينب للغرفه علمود تقرا وانه لفيت راسي ونمت ماگعدت اله باليل الساعه چانت9ونص شفت زينب گاعده گبالي تباوع عالمسلسل التركي ومدري شكو بحضنها تاكل منه

شفاء::شتتزقنبين ترا محسوبتچ عله غده اول البارحة

زينب::سوده بوجهي كون ولچ صدگ تحچين

شفاء::وداعتچ

زينب::صخام ولچ شلون عايشه يمطينه بس تكتلين وتنكتلين وترجعين ليوره اوگفي خلي اروح اصبلچ واجي

شفاء::هوا شنو

زينب::دولمه

شفاء::خوش

راحت زينب تصبلي وچان يندگ الباب زينب اجتي تركض

زينب::ولچ فدوه لحگيلي انتي قويه ومتخافين والله انه راح اسويها عله روحي فدوه طلعي طردي منا الله عليچ استغل امي ماكو بالبيت واجه لچ فدووه ساعديني والله أخاف عليج الله طلعي دچي

شفاء::اهدي شبيچ سحبي نفس شجاچ وحده وحده بعدين منو هاذ

زينب::لچ ابن صديقت امي كلمره يتحرش بيه وصلت بي يجي للبيت نوب الدنيه ليل صخاااااامم صخاام بعيني شفاء فدوه لتخافين انتي هم متخافين مو عليج الله گليلي مااخاف

شفاء::انه مااگلچ مااخاف انتي شوفي بعينچ شلون مااخاف

أخذت سچينه من المطبخ وچان اكو حديده بالحديقه وطلعت...