ضالمه ومضلومه🎭

بارت39

بقلمـي أنـا شَهـد عبدالله 🎀 🤍
.
.
.
.
.
.
✨زينب✨

فزيت بخوف واني اتذكر كلشي شفته الدم وشكلهم وهمه بالگاع والدم تارس البيت حسيت احد حضني بهدوء

يونس::اسم الله بويه اسم الله عليچ يروحي

زينب::و وينهم وينهم يونس شلون صارو الله يخليك اخذني اشوفهم يونس والله اموت اذا صار عليهم شي ماعندي غيرهم يونس اخذني الهم

يونس::اشش اهدي مابيهم شي بخير كلهم

زينب:: و حـ حاتم يونس حاتم الله يخليك گلي وينه

يونس::مابي شي وداعتچ مابي شي بس..

زينب::بس شـ شنو

يونس::أيهم

زينب::شـ شبي

صفن بوجهي بحيره

زينب::لـ لا يونس لا م مابي شي والله مابي الله يخليك اخذني اشوفه شبي يونس شبييي
ايييييييههههممممم

يونس::أشش عايش وداعتچ عايش زينب بس اهدي وافهميني والله مابي شي بس دخل غيبوبه الله واعلم شوكت يصحى يعني يطول سنوات

زينب::شـ شلون يعني سنوات شدتحچي يونس شلون يعني سنواااااتتت شلوووون

نفضت الغطى مني وگمت راد يلزمني بس ماگدرلي طلعت اركض لزمني يونس

يونس::زييينب بس اوگفي زيييينب مابيهم شيي شبييچ اهدي والقرءان مابيهم شي وداعتچ بس اهدي زينب

زينب::ا اريد اشوفهم يونس اريد اشوفهم اخذني يمهم الله عليك اخذنيييي

يونس::تمام تمام بس اهدي

لزمني من ايدي واخذني للغرفه الي موجود بيها أيهم سوده عليه ياخويه سوده عليه جسمه كله اجهزه وايرات وأوكسجين ولافين صدره لف متت بچي عليه ميستاهل الي صارله والله ميستاهل كلهم ميستاهلون الي مرو بي اخذني لغرفة بيها رفل نايمه وراسها ملفوف وايدها هم ملفوفه وبيدها كانونه ومخلين بأصبعها شي مثل القراصه وصميم فوگ بالطابق الثاني وعمي جابر بالعنايه المركزه وحاتم تحت المراقبه..ياربي احميهم يا الله ياربي گومهم بالسلامه ربي لاتختبرني بيهم يا الله ماعندي غيرهم همه اهلي وعزوتي بهالدنيه ماعندي غيرهم ياربي لاتفجعني بيهم يا الله وإن مَسهم الضر فاليمسُني اضعافهه....
گعدت بين الغرف الي همه بيها ودموعي مانشفت ويونس يحچي بالتلفون...ياريتني ماطلعت ياريت مارحت وعفتهم ياريت حالي نفس حالهم ولا هالحال ياربي كون اني بمكانهم على الاقل اني مگطوعه من شجره وعلى الأقل عندي ام هناك ماراح اكون وحدي عندي امي تنتضرني امي الي هواااي كلام بنفسي احجي الها بنفسي تبررلي الي عاشته منو هيه ومنو اني منو أبوي شنو اصلنه منو اقاربنه لو ماعدنه اقارب؟؟شنو الي خلاها تتزوج عدنان وشنو الي خلاها تحبل من غيره شلون اعرف اذا چنت بنت غير شرعيه أو جابتني بالحلال؟؟شنو هويتي شنو ديانتي منو أبوي الحقيقي؟؟وليش هيچ صار وياي معقوله دايطلع عليه الذنب الي امي سوته أو شنو الي سوته ياربي شسوي شلون اخلص من هاي الهواجيس شلون....لااعتراض على حكمك ياربي.....انداريت على صوت رد روحي الصوت الي ادعي الله لايحرمني منه رحت ركض ضميت روحي بحضنها طوقتني بيديها بقيت حاضنتها وابچي بصوت عالي