ضالمه ومضلومه🎭

بارت11

:لا تسَولفيلي على حَزنچ
انه افهمَچ
ومَا عليچ مَن المسَافة
وحتى لو نحجي برسايل
"اني يمچ"
.
.
.
.
.
.
طارت بالهوا ونرگعت حيل بالگاع والدم ترس الشارع اني انتهيت مابقه بيه ذرة حيل باد حيلي ورجليه انشلن وگعت بالگاع مصدومه ومتفاجئه من الي شفته وبعدني ممستوعبه وتفاجئت اكثر لمن شفت يونس راحلها يركض خله رأسها عله رجله ويوخر شعرها من وجها ويبچي ويحاچيها ويمسح بالدم من وجهه فزيت من صدمتي ورحت اركض ادفع بالعالم وصلت يمها وذبيت روحي بصفها وابچي واناشغ مثل الأطفال وهيه لا ايد ولا رجل منتهيه من جهه گلبها(عدها صمام بالقلب)ومن جهه كلشي مماكله من زمان ومن جهه الكتل الي تاكله يوميه جسمها تعبان حيلل...

زينب::شششششفاااااااااااءءء شفاااءءء دخيييلللججج فتحححييي عيووونننججج شفاااءءء گوووومممييي بداااعتييي گوممييي لج والله امووووتتتت وراااجججح امووووتتتت

موتت نفسي من البچي والصياح ويونس حالتة اخس من حالتي
راد يشيلها تحركت أي ا ا ايي اتحركت والله اتحركت

زينب::تحركت والله تحركت شفااائيييي گومي امانه برگبتچ گومي لاتلوعين گلبيييي علييججج گومييي

فتحت عيونها شافتني ابتسمت براحه وتباوعلي وعيونها تلمع وراسها بحضن يونس الي معرفت منين يعرفها؟؟...باوعتله وگالت

بكلمات متقطعه
شفاء::گول لابوك وامك ماابريهم الذمه لحد گطع النفس مااسامحهم ليوم الدين راح اشكيكم يم الله كلكم حته انته ماصرتولي حزام اشد بي ضهري وكت العازه 8اخوان ولاواحد بيكم احتواني ..ابتسمت بتعب وگالت.. تدري... صارلي سبوع ماجايسه النعمه بتت اليله بالشارع وبالمشافي محد بيكم فگدني هالكثر انه ثگيله عليكم

دارت وجهها عليه ابتسمت وگالت
شفاء::شفتي طلع صدگ الله ماكاتبلنه ناكل

يونس انهاار حرفياً انهاار بچه من كل گلبه ويبوس بوجهها وانه ملخت روحي تملخ العساكر بس يريدون ياخذوها من عدنه اني ويونس واحنه مچلبين بيها ونبچي گطعنه روحنه فتحنه عيونه بصدمه لمن وگعت ايدها وراسها مال وطلع منه دم عله طول وجهها وصل لرگبتها وبقت عيونها مفتوحه تخبلنه اني وياا صرنه مثل المخابيل وهوا شالها وطلع يركض بيها للسياره الطريق كله مخليها بحضنه ويبچي ويشهگ مثل الطفل واني هم نفس الشي
وصلنه عالمستشفى جابو سديه ونزلوها خلوها عالسديه ودخلوها لغرفة العمليات بقينه ننتضر ايدي عله گلبي وادعي كون ميصيرلها شي والله اموت ماصدگت رجعت شفتها نوب هم اخسرها بقينه ننتضر هواي وماكو محد طلع متنه خفنه لايصير بيها شي هيه گلبها اااخخ ياگلبها معلعل وماضل مرض ماجاسه گلبها الأبيض الترف الي يغطي الدنيه بالحنان الشايله ااخخ اخخ لو تطلب گلبي مااعزه عليها والله مااعزه عمت عين الگلب المايوگف ويه وگفت گلبها....بقينه گاعدين انداريت عله جهت الباب شفت اجو منااك7شباب من ضمنهم يوسف أخو يونس ورجال شوي چبير بالعمر بس انيق ولابس لبس رسمي ويمشي گدامهم عرفته ابوها ورجال هم چبير بس مو هواي يعني يطلع بالـثلاثينات ورجال يشبهه يونس ويوسف يبين عمره بنهاية الـالثلاثين بس حق الله حلو ومرتب اجو يم يونس يحچون ويا وملامحهم بارده مابيها أي خوف أو قلق عكس يونس المنتهي وبيهم شوي مبين عليهم خايفين عليها وبيهم لا واولهم ابوها..

انفتح باب العمليت وطلع الدكتور يركض صاح

باستعجال
الدكتور::دم دم بسرعه راح نفقد المريضه

صوتو عليكم الله وعباده🥲✨..