ضالمه ومضلومه🎭

بارت24

يحاچي الناس كُلها وما يحاچيني
يداري گلوب غَيري وما يداريني ..
.
.
.
.
.
صارت وره الشجره هيه وصديقتها الي موتت روحها بالبچي لأن شفاء تصوبت وهيه ولا هامها واگفه بكل ثبات وقوه وتضرب وين متجي تجي فجاة صار صوت سيارات شرطه وطلق عالي وطعلو ثلاثه شباب من باب المقر وركبو بسيارة مالت شرطه انه تراجعت ليوره صرت وره شجره مايشوفوني بس اني اشوفهم حولت انضاري عليها شفتها ماكو لا هيه ولا صديقتها وين راحن خرب يومچ يلجنيه تسحبت على كيفي وطلعت افتريت من الجهه الي چانت واگفه بيها ماكو ولا اثر الها وين ولت هلشگره بقيت ادور باطراف المكان وهم ماكو بس المكان الچانت واگفه بي كله دم طلعت من المكان بهدوء لحد موصلت للسياره صعدتها وطلعت بقيت امشي لحد مصارت الدنيه مغرب يلا وصلت الشارع وهم دورت وماكو ادري وين وليتي لخاطر الله والله مخاويه الجن لو مدري شيصير رحت لـ جابر لگيته گاعد بمكتبه وصافن بالفراغ

اشهم::اححمم

رأساً فز واجاني متلهف

جابر::ها لگيتهــاا ...احچي اشهمم لگيتوها لو لا وينهااا

اشهم::مع الأسف ماكو مالگيناها

نزل راسه بخيبه وراح گعد بمكانه ودموعه على خده عفته وطلعت

هاشم::ها ولكك وين چنت

اشهم::بهلدنيه

حكيم::احنه هم ندري بالدنيه چا وين بالأخره ...قصدنه وين تختفي

اشهم::شـغـل

هاشم::وشغليش هاذا

حكيم::ترا امي زعلانه منك تگول بالچذب ميسئل عليه

اشهم::وين عندي مجال اروحلها بعدين مااگدر اروح هنااك لان يدرون انه الچنت خاطف البت وكتلت امها

هاشم::شمدريهم

اشهم::غير الشرقيه نيوز سوتني حديث الساعه بثانيه وحده

حكيم::بلختله روحلها بس طمنها وابوي هم دوم يسئل عنك واگله عنده شغل عود انتَ بنضرهم بعدك عسكري ميدرون بيك صرت سلاب

هاشم::شنسوي بعد الضروف احكام......ملگيت الجنيه الهاربه

اشهم::تـؤ

حكيم::ياهيه هاي ...ها بنت جابر مو

هاشم::اكو غيرها لعبت بينه لعب موگفتنه على تك رجل

✨شفاء✨

فزينه من النوم على صوت حيل قوي صوت تعذيب وصوت اطفال تتصارخ وبنات يعيطن واصوات غريبه گمت من مكاني چلبت بيه زينب ترجف وتحچي

زينب::وين لتعوفيني الله يخليچ شفاء لتعوفيني وحدي ابقي ه هسه يروح الصوت والله بس اگعدي

شفاء::لچ شگعد متسمعين صوت الأطفال

زينب::أسمع والله اسمع وهاي مو اول مره اني من اجيت لهنا هاي الاصوات يعني مو اول مره اگعدي فدوه لعينچ