ضالمه ومضلومه🎭

بارت42

يامن هواهُ اعزهُ واذلني كيفَ السَبيلُ إلى وِصالكَ دُلَني انتَ الذي حَلفتَني وحلَفتَ لـي وحلفتَ انَكَ لاتخونَ فماخُنتني(اغنية زينب ويونس😔)

بقلمـي أنـا شَهـد عبدالله 🎀 🤍..
.
.
.
.
.
✨ترف✨

گاعدين اني وهمام واسيل نلف دولمه لان امي شوي مريضه وهمام افندي مشتهي دولمه فـ گلت اني اسويله واجو يلفون وياي

اسيل::هسه كون غزل هنا چان أكلت الحشوه كلها مثل الطلي

همام::انچبي ولتحچين عليها لا اكسر حلگچ الاعوج

اسيل::ديله عيني قابل شحچينه

ترف::والله دوختوني شوي اسكتو

همام::اخخ لو روسي هنا چان كلواحد چفچير على راسه وچلاق وتطردنه عمت عيني عليچ خويه

رأساً نزلت دمعتي مسحتها بس بقيت اشهگ بهدوء

همام::لتبچين العصر اخذچن تشوفنها

رأساً اندارينه عليه بأهتمام

ترف::يـ يعني يقبلون

هز راسه بـ أي

اسيل::لعد ليش گلت ميقبلون ومااعرف شنو

همام::هيه گالت متريد احد يجي يمها واني باقي بس انگل الها جگاير مادري هيه اخوي لو اني اخوها

ترف::اوف منها اووف كله من ايدها ماگدرت تسكت وخلتهم يحقدون عليها وزيدو الحكم عليها أضعاف

همام::مااخليها وادعتچ اطلعها لو ادري اخسر شغلي واخسر نفسي هم اطلعها

اسيل::شلون وشوكت

همام::مو هسه كلشي بوكته حلو...يله خفن ايدچن علمود نتغده ونروحلها

هزيت راسي بأبتسامه وبدينه نسوي بأستعجال كملناها وخليتها عالنار رحت حضرتلها ملابس واحتياجات خاصه وخليتلها دولمه بجدر صغير وخليتهن على صفحه..صبيت غده وگعدنه نتغده واني لمن سمعت يقبلون انروحلها كلشي ماضل بيها رأساً گامت وگفت على حيلها وابتسامتها مافارگت وجهها بدلت وتحضرت قبلنه كملنه غده واسيل غسلت المواعين وقفلنه الباب وطلعنه(أبوي مو بالبيت چان بالشغل)
وصلنه للمركز گلبي بقى يدگ حيل معقوله راح اشوفها بعد كل هاي السنوات زين شلون احضنها وين اضمها وشلون ارجعها وياي؟وشلون أتحمل اعوفها هنا وارجع للبيت بدونها ياتُرى شلون صايره هسه متغيره لو نفسها؟ سمنانه لو بعدها ضعيفه شعرها طولان لو بعده قصير خيط الشر الي بعيونها بعده لو ممسوح؟
دخلت جوا بخطوات مرتجفه راح همام ماعرف شنو حچه وياهم ورجع اخذنه على مكان الي يجتمعون بي المساجين ويه اهلهم دخلنه وبقينه ننتضر واكو عساكر موجودين للاحتياط واگفين ننتضرها

مريم::وينها شو مااجت

اسيل::هسه تجي يمه بس اهدي ليصعد ضغطچ فدوه اروحلچ