ضالمه ومضلومه🎭

بارت29

داويِت جروُحي بروحي.
.
.
.
.
بقيت ادعي وابچي لحد متعبت ومددت علـ سجاده ودموعي تجري تعبت ياربي والله تعبت من حقي انُ يكون عندي عائله حالي حال البنات مليت من احساس الدخيله مليت من شعوري كـ يتيمه ذليله ابيت العالم ياربي حته عَوضي راح مني حته الحبيته طلع محَـرم عليه لا اگدر اتقبله كـ أخ ولا اگدر اكون اله كـ زوجه ياربي حَطمني هاذا الشعور يا الله وصيَة رسولك انـي ياربي قاروره اني رفقاً بقلوب القوارير بس محد صان هلـ قوارير يا الله ضگنه الـمُر عَذبونه دمرونه هانونه ذَلونه استَصغرونه حطَمونه محد صان الامانه ياربي مـحد أتمنى ارجع لبيتنه القديم الي چان بي دفو امي وريحتها أتمنى بس تبقى امنيه تعبت ياربي امتحانك صعب يا الله حيل صعب لسه صغيره بعدني هلـ حزن كلش هواي على گلبي ..
اتمنى ارجع لأيامي الي چانت صافيه وچان همني بطني وبس مجان عندي غير امي وصديقة روحي مچان عندي غيرهن واتمنى لو باقيه عليهن واتمنى لو ما ضعت بذااك اليوم ولا هاويه تمنيت ماهاويه الماگدرت اهوى غيره ربي مااگدر انسى أو اطلعه من گلبي مااگدر روحي تلوب عليه يا الله تعبت والله تعبت شسوي شلون اطَفي نار گلبي شلون صعب عليه امتحانك ياربي...💔🥀
(رباه لستُ اعتَرض لآكن رفقاً بقلبي)

✨غـَزَل✨

اليوم جابو يونس من المستشفى لان سووله عمليه صارله اسبوع بالمستشفى گالو صاير عنده ذبـحه صدريه وانسداد بلشرايين حيل خفنه عليه وايدنه على گلبنه بس الحمدلله عدت سلامات جابو بس مو ذااك يونس الي نعرفه
متغير حيييل ضعفان وعيونه محاوطهن سواد وشفايفه يابسه
ولونهن متغير خلو بهدوء علمود عمليته وهوا مانطى أي ردت فعل نام بمكانه وبقى صافن عالسگف بهدوء وعيونه ذبلانه حيل انقهرت عليه

غزل::شصاير بحالك يبعد حالي شوصلك لهاي الحاله

يونس::الـشوگ انه الفاگد اعز ثنين على گلبي الملچوم تعبان خيه تعباااان التعب ياكل بروحي اكل

غزل::اسم الله على روحك خويه إن شاء الله نلگاهن لتيأس

يونس::وين نلگاهن بعد وين

ودار وجهه عني يخفي دموعه عفته وطلعت رحت لغرفتي طلعت صورنه اني وياها وبقيت ابچي واعاتبها مشتاقتلها والله هواي مشتاقتلها روحي متلهويه عليها اختي الوحيده هاذي ماعندي غيرها

✨شفاء✨

رفل::ولچن گحايب اني صار ساعه اكل خره تالي تمسحنه

زينب:: والله خيه منو چان عاتب عليچ وگايلچ اكلي خره احنه حلوات بدون ميكب مدري شسمه

رفل::دنچبن يمعود والله مو صوچن

شفاء::يابه احنه مامتعودات على الصبغ متعودات على چهرتنه هيه هيه

زينب::مو اگوللها احنه بدون مكياج انـخرع قصدي انـخبل بس هيه الله يكفخها اقصد يهديها تحب تچلفص