هلا يلجنك غصن ريحان وبكلبي تتمشه🌿🤎
.
.
.
.
.
.
گعدت وره كم ساعه والهوسه بعدها خابرت زينب وغزل مكالمه جماعيه وگعدت اسولف وياهن
ملاحضه
غزل ابيت عمها رايحه تغير جو🗿🥲
زينب::لچ شفوئه شو متجين يمي صار يومين مشايفتچ
غزل::چا انه شگول صارلي سبوع مشايفتها
شفاء::وشوكت تجين عاد ام صحبه
غزل::لچ شمدريني عمي كلما اگُله اريد اروح لبيتنه يگلي عود باچر اخذچ وماكو
شفاء::هاذا هم شگد بطران
زينب::عودين اذا اجيتي تعالن يمي انتي وشفاء مو تنسني هااا
شفاء::لايابه لا شلون ننساچ غير انتي الروح والريه
غزل::اااححح وانه شنو هنا خراعت خضره
شفاء::انتي البيت والطرمه
غزل::ويي صدگ نسيت
زينب::هههه شگد خايسه
حچينه شويه وسديته وطلعت من الغرفه وگفت يم المحجر واباوع عليهم همه ميشوفوني بس اني اشوفهم اجو ولد ثنين مبين عليهم توأم واحد اشگر واحد مو اشگر بس هوااايي يتشابهون اكثر من يوسف ويونس راحت عليهم صبيحه تبوس بيهم وتحضنهم وطايره بيهم طيور وراها اجه بعد واحد وجهه بشوش ويضحك هم حضنهه وبقه يشاقيها گعدو يمها وگامو يسولفون شفتها حيل فرحانه بيهم گلت والله اليوم اله اطلع هالفرحه من خشمچ باوعت البيت مليان عالم كلهم أهل صبيحه اخوانها وولد اخوانها وامها وخواتها ونسوان اخوها همه وجهالهم سمعت راح يبقون عالعشه رحت ركض بدلت ملابسي وتسحبت علكيفي وطلعت بره رحت عالصيدليه اخذت حبوب مال سهال😂خليتهن بجيبي ورجعت للبيت چنت امشي سريع وچان انرطم بشاب يبين ثلاثيني بس صااك حيل وطويل رفعت راسي شفته صافن عليه باوعت بوجهه وگلتله
شفاء::ثـول متشوف
::لا اشوف انتي الي متشوفين
شفاء::أي لان عيوني خضر هههههه وخر وخر مزاجي عالي مااريد اخربه
::مزاجچ عالي تخربين مزاج العالم
شفاء::ياعالم شمدريك راح اخليلهم حبوب مال سهال بالاكل ولك
::شنو
شفاء::شنو
::بيچ شي
شفاء::بيه انتَ هههههه سمعتها من صبيحه ومشيتها براسك امدااك وامداني وخر عليك الله وعباده لتخرب مزاجي
عفته مصدوم ومشيت للبيت رحت ركض للغرفه محد شافني بقيت انتضر يسوون العشه بقيت انتضر لحد مشتميت ريحة الأكل نزلت جوا فتت للمطبخ شفت محد ماكو والجداري شكبرهن وشگدهن يفورن رحت عالسريع فتحت جدر الباميه شفتها كلها لحم وتفور عجبني شكلها طلعتلي بجدر الي والزينب وترسته لحم وخليته عله صفحه وذبيت الحبوب بالجدر وسديته نوب شفت الشعريه شكلها كلش حلو وهم طلعت منها بجدر صغير وتمن بسمتي هم طلعت بجدر صغير واخذتهن وطلعت بوجهي لزينب دگيت الباب والجداري بيدي
أنت تقرأ
ضالمه ومضلومه🎭
Mistério / Suspenseقصـه حقيقيه:بقلمي انا شهد عبدالله فتاة شرسه وقاســيه تضلم وتنضلم تعيش في عائله مشتته لااحد يحبها غير ذاتها تحُبُ ذاتـهـا كثيراً ولاتبالي شيئاً تواجهه الكثير من الاعداء والمكارين..
