ضالمه ومضلومه🎭

بارت16

يحاچي الناس كُلها وما يحاچيني
يداري گلوب غَيري وما يداريني ..
.
.
.
.
.
.
گعدت الضهر وجع براسي قوي ودايخه تذكرت البارحه شصار گمت غسلت وجهي وشوي صحصحت ونزلت جوا شفتهم يتغدون كلهم اخواني هم موجودين هاي شوكت اجو

يونس::تعالي اكلي

شفاء::ماريد أكلت باميه البارحه هههههههه

باقر::أشهد انَ وره هاي ضحكتچ بلوه شمسويه ولچ

صبيحه::گول شنو الي ممسويته هالعرصه

كرم::شنو الي ممسويته هالعرصه

صبيحه::ولكم البارحه عزمت بيت خوالكم كلهم وبيبيتكم عالعشه وهالنغله مخليتلهم حبوب مالت اسهال بالباميه وخزتني گدامهم الله لايوفقها

كرم::هههههههههههههههه اشتعلوووو

باقر::اففف ههههههههههههههههههه

يونس::خرب هههههههههههههه

يوسف::هههههههههههههههههههههههههههااايييي

أمير::بعد ايدي ايدچ هههههههههههههه سند شلون چان الاسهال ويااك هههههههههههههاااااييييييييي

سند::هاءها عاف الامه العربيه كلها وركز عليه

ايمن::ههههههههههههههه لعد همزين احنه طفرنه هههههه

بقو يحششون عله سند وفراس ونبراس وانه عفتهم وطلعت من البيت رحت يم زينب دگيت الباب وماكو بقيت ادگ وماكو طفرت من فوگ الباب ودخلت شفت ماكو احد بالبيت ردت اطلع وشفت ورقه لازگه عالباب قريتها وفتحت عيوني بصدمه من المكتوب بيها

::عبالچ الي طعنتي ماكو احد بضهره راح اكسر ضهرچ بعزيزت گلبچ نفس ماكسرتي ضهري بعزيز گلبي اذا تريدين تنقذين صديقت عمرچ تعالي لهاذا العنوان وخلي نتحاسب(...........)

حسيت رجلي انشلت وفقدت توازني زينب شنو ذنبها تتعاقب عله شي هيه ممسويته كافي عليها العقاب النفسي يعني راح يعاقبوها جسدياً هم هيه من يوم الصار ولحد هسه بس تكوبس وتخاف من ضلهه شحال هسه محاوطينهه المايخافون الله رحت ركض للبيت دخلت بغرفة مصعب لان عنده سلاح وسچاچين اخذت سچينه وسلاح وطلعت رحت لغرفتي لبست بنطرون اسود وقمصله سوده وشفقه سوده وطلعت ماخليت احد يشوفني اجرت تكسي وانطيته العنوان وصلنه نزلت من التكسي وباوعت عالمكان يخوف بكل معنى الكلمه مكان مهجور يعني زينب هنااا؟؟بهيج مكان يخوف رحت امشي سريع والسلاح بخصري جوه القمصله والسچينه بالبنطرون وگفت بنص الخرابات وصحت بصوت عالي

شفاء::ويــنــكـم مـخـانـيييييـث

وچان يطلعون ثلاث زلم كلهم طوال ويخوفون بس انه هيهات أخاف من هيج شكولات صحت بيهم

شفاء::هاي انه اجيت هدو البت وحاسبوني انه

::مو احنه الي انحاسبچ چبيرنه هوا اليتصرف بيج وبالبت وامها....(الله يرحمها)

حسيت شعر راسي وگف لمن نطق كلمتة الاخيره باد حيلي ورجليه انشلن مستحيل مستحيل ميگدرون أي أي ميگدرون اموتهم والله اموتهم وراها

شفاء::شـ شلون يـ يعنـي ا الله يرحمها

:: يعني راحت لدار حقها....بس لتخافين ثواني وتلحگيها

شفاء:: وحق الحق انـهيكم ولا عبالكم لزمتوني من الايد التوجعني
(انـه محـد يـلزمـنـي من الايد الـتـوجـعـنـي)
(انـه الايد الـتـوجـعـنـي اكـسـرهـا)

وطلعت السلاح وضربته طلقتين بصدره وانداريت عالثاني وضربته طلقه براسه ردت اصوب الثالث بس هوا چان اسرع مني وضربني برجلي وگعت عله ركباتي اجه عليه اخذ السلاح من ايدي وثنه رجله گبالي وگعد

::عجبتيني بس لتحاولين متگدرين تسوين شي بعد يعني لاتگدرين تنقذين روحچ ولا تگدرين تنقذين البت

ابتسمت بوجهه وبحركه سريعه سحبت السچينه من البنطرون ولزمته من شعره ورجعت راسه ليوره وشخطتهه عله رگبته والدم گام يطافر ذبحته وگمت اخذت سلاحي والسچينه حسيت رجلي مكسوره من كد الوجع بس ماهتميت وگفت عله حيلي ورحت امشي جوا واردد

شفاء::مو انه الينهد حيلها بـخـلگ صوابه انه الـمااطيح لو طاحت عله متـونـي خـرابـه

دخلت عالمكان الي طلعو منه مهجور وبي درج باوعت عله رجلي ورجعت نضري عالدرج ورحت اصعد ركض وصلت فوگ وچان اشوف عمه سعاد واگعه وغرگانه بدمها وزينب گاعده عالكرسي منتهيه وبس عيونها مفتوحه ومتمركزه عله امها الي بالگاع رحت عليها جست نبضها ماكو نبض

بكسره
زينب::ر را راححت عافتنيي وحـ وحدي

شفاء::اشش مو وحدچ انه يمچ گومي وياي بسرعه گومي

فتحت ايديها ورجليها وگومتها وياي

زينب::اشبيها رجلچ

شفاء::مابيها شي مابيها امشي

زينب::و ا امـي

انداريت عليها بخيبه وگلت

شفاء::روحها عد ربـها جسدها ارجعله وداعتج وادفنها بيدي مااخليها بيد ذوله الچلاب بس امشي خلي نطلع هسه

ببكاء ورجفه
زينب::مستحيل مااطلع اذا مو امي وياي الله يخليچ خلي ناخذها والله مينطيني گلبي اعوفها هناا مااكدررر

باوعتلها بنضرات مكسوره ورحت عله خاله سُعاد وشلتها بيدي وانه رجلي مااحس بيها من گد الوجع نزلنه من الدرج وچان انصدم صدمة عمري.....