ضالمه ومضلومه🎭

بارت40

وتوڪل على العـزيـزِ الرحـيـم.. 💚...
.
.
.
.
.
.
.
✨شفاء✨

واگفين نتمكيج اني ورفل وزينب لان اليوم خطوبة غزل من ابن جيرانهم أخو ترف لبست فستان احمر ساده ضيگ وطويل ورداناته تول وطوال للگاع وخليت شعري مفتوح وبرمته من جوا ولميت شعري من گدام من الطرفين يعني بس الگذله وخليتله ماشات من الصفحتين وخليت حـُمره حمره طوخ ومسكاره وبس كلشي مخليت بعد ولبست حذاء أبيض كعب عالي بس مو هواي عالي ومرصع بشي مثل الالماس وخليت عطر وهاي هيه ورفل لبست فستان ماروني طوخ من فوگ ضيگ ومن جوا عريض وبي تول وارداناته عراض وبيهن لاستيك من جوا ومنفوشات وشدت شعرها ذيل حصان وبرمته من جوا وطلعت گذل ثنين وزينب لبست فستان اخضر ساده وبي حزام اسود وشال اسود وحذاء اسود وخلت حـُمره تُرابيه ومسكاره وايلاينر ولبسنه فوگاهن صايات وشال وطلعنه رحنه للبيت الي احس روحي مشتاقتله رغم العذاب الي عشته بي بس شي بيه مشتاقله ومشتاق لكل شبر بي...

(ملاحضه)
هاي بعد ماصارو زينين كلهم بس أيهم چان بعده بغيبوبه..محبت تتعمق بهاي الأيام لان مابيها أحداث ومجرد أيام عاديه وحزينه....

دخلنه بالفرع ميبين من گد السيارات والعالم حييل هواي لمحت من بينهم اشهم واگف على صفحه هوا وواحد وياه يبين أكبر منه حسيت شايفتة قبل بس مهتميت ونزلنه من السياره ودخلنه جوا الدنيه مگلوبه هواااييي عالم وكلهم اخوان وخوات صبيحه همه وزگاريطهم
دخلت من باب المطبخ چان بي كومه نسوان

شفاء::هسه هيه خطوبه شكو جايين كومه چا بالعرس شگد يجون

::يول انتِ ياهي

شفاء::اني اخت انجلينيا جولي

رفل::انهجم بيت الباميه شگد تنفخ

زينب::فضحتَنه الله يفضحچن شوي سدن هالحلگ

رفل::حلقوم حلقوم مو حلگ

::ياهنه انتن

شفاء::هسه شعليييچ ...وين صبوحه

سمر::يهلا بـ بواگة الزلم

شفاء::الف هلا بـ الي معدومه عدها الكرامه

غزل::شفييييييط

شفاء::اوويي هلا بعروستنه هلااا

رحت بستها وحضنتها حيل

سمر::شهل عياره

شفاء::بحلگي سالفه بس عيب منا العالم واني وحده اخلاقي فوگ كلشي

زينب::تالي وياچ شوي كضي لسانچ شهرتينه

شفاء::دمشي امشي شيخه زينب

دخلنه جوا للاستقبال كوومه نسوان چان اكو اجت بنيه سمره بس دمها حلو وگفت يمي وگالت

ملك::هلاو

شفاء::هلاوات يابه

ملك::انتِ شفاء مو

شفاء::لا اني زينب هاي شفاء