ضالمه ومضلومه🎭

بارت12

بًيِّضًـ کْلَوٌبًنِهّـ وٌکْلَشُـ حًنِيِّنِهّـ🤍🤍
.
.
.
.
.
.
اجه واحد من الولد الي اجو چان بره ماسمع الدكتور لمن گال محتاجين دم اجه منااك يمشي وعيونه حمر مبين عبالك باچي راحله يونس يركض گاله

يونس::باقر انتَ انتَ دمك نفس زمرت دمهاااا اركض اتبرع وتعال للكككك راااححح تموووتتت

الولد انخبص وبين عله ملامحه الخوف والكسره راح يركض ويه الممرض علمود يتبرع دم گالو تحتاج 3بطاله دم راح الرجال هم تبرع بطل والرجال الثاني هم راح اتبرع وابوها ماهتزت شعره منه شنو من گلب عنده...اجه الممرض جايب بيده بطالة الدم ودخلهن لغرفة العمليات وهم بقو ساعات جوا وماكو محد طلع وانه بس گاعده وادعي ويونس يفتر وعيونه عبالك بيهن جمره گد ماحمر والباقي وجوهم بيها حيره وندم وقلق بس يونس ليش هلگد متأثر معقولة حبيبته أو اخته شتقربله؟؟.

بعد مرور 3ساعات

طلع الدكتور ووجهه ميبشر بخير نزع الكمامه من وجهه وگال

بأسف
الدكتور::احنه سوينه العلينه والباقي عله الله المريضة حالتهه كلش مدهوره وتحتاج عمليه لقلبها بس منگدر نسويلهه العمليه لان جسمها تعبان وماياخذ بنج وواضح انو المريضه صارلها مده بلا اكل ف منگدر نسوي شي غير انو ننتضر 5ساعات اذا صدرت منها حركة أو اشاره يعني تعدت مرحلة الخطر بس اذا العكس يعني انو راح تدخل بغيبوبه مدتها اشهر أو يمكن سنين وهاذا الشي مو لصالحها ابد واحتمال70%انو نخسرها لاسامح الله الله يگومها بسلامه انشاء الله

وعافنه بصدمتنه وراح يونس داخ والتمو عليه اخوانه گومو وغسلو وجهه ويحچون ويا ويطمنو بس هوا كأن بغير عالم عيونه كلها حزن وندم بقه صافن بالفراغ وابو هم حسيته شوي تأثر مو مثل قبل شويه بس اختفه حساسي لمن وگف وگال

عدنان::انه رايح للبيت اذا صار شي جديد گلولي

ونطاهم ضهره ومشه شنو من اب هاذا لخاطر الله من كون تموت انتَ ياربي الله ينتقم منك ومن مرتك بجاه الحسين(ع)
انفتح باب العمليات وطلعوها علمود يخلونها بالعنايه المركزه نهضنه كلنه لمن طلعوها نايمه عالسديه مابيها عرج صاحي حته خفنه نجيسها مابيها مكان خالي من الكدمات متخالطات ندبات ابوها وندبات الحادث ايديها مزلغه ووجها وراسها ملفوف بشاش والدمايه طالعه من الشاش ورگبتها مشخطه وبخشمها صونده وبحلگها صونده عريضه وبأصبعها مثل القراصه بيضه مالت نبضات القلب وفوگ راسها مغذيات وجهاز مسموع بي دگات گلبها ومخلين عله گلبها شي أبيض ودائري وبي واير وبأيدها شي مثل الكانونه بس مو كانونه.... حرفياً انتهينا لمن شفناها بهالحال گلبنه انمرد عليها والله متستاهل الي ديصير وياها متستاهل ابدد راح عليها الولد الي اسمه باقر وگف يمهه وطبع بوسه خفيفه وحنونه عله راسها ونزلت دمعة ندم من عينه وباس الكانونه البيدها ووخر وطلع بره مباشرتاً ويونس بعده جامد وواگف بمكانه راح عليها بخطوات بطيئه ومكسوره وصل يمها وگال