عيناكِ قيّدت قلباً كان بالأمسِ حراً .
.
.
.
.
تعبت تعب ماصاير ونوب صايمه چنه نصب فطور نخلي بالصياني والولد يجون يودوهن بره للعالم اني وغزل ومياسين كلنه حيل تعبنه من الصبح لهسه بس نشتغل
واخيراً خلصو فطور وغسلنه المواعين وصبينه چاي الهم بقينه يمهم شوي وراها رجعنه للبيت رأساً نمت حته ملابسي مغيرتها بس ذبيت شالي ونمت نومه عميقه حته للسحور مگعدت صمت بدون سحور من التعب والنعاس
ثاني گعدت رتبت البيت وغسلته وصليت كملت وگعدو اهلي كلهم وكلمن راح بصفحه همام التحق واسيل راحت يم صديقتها وابوي راح لشغله وروسلين نايمه وامي راحت تتسوَگ اجتي من السوگ خلت الأغراض على الميز وگالت
مريم::هذني جبتهن للفطور مو المغرب ماالگاهن
ترف::ياا منو ياكلهن قابل تره كلنه صايمين
مريم::مو باتـمان مصايمه(قصدها روسلين)🙂شني هالسُمعه هاي)
ترف::ويي نسيت...هسه اشيلهن
هزت راسها وراحت عزلت الأغراض ورحت گعدت بالصاله اجه ابوي من شغله وصدمنه لمن گال انو لازم يسافر علمود شغله ثاني يوم سافر بقينه بس اني وامي واسيل وروسلين بالبيت چنت نايمه وگعدت العصر گمنه نسوي فطور اني وامي
مريم::ترف بس شوفي التمن ليحترگ
ترف::صار
مريم::اسييييل تعاليي سوي زلاطه
اسيل::اويي يُمه شيگومنيي متعاجــزه
مريم::دگوميي گومي شمسويه ومتعاجزههه شو بس اكل ونوم
ترف::أي والله نفس البهايـم
اسيل::تره ازعل عليچن ها
مريم::لا دخيلچ هواي يهمنه زعلچ
اسيل::هاچ هاي زعله زعلت بعد لحد يحاچيني
مريم::خوش حجه علمود تطفر
ترف::هههههه عبالها مانعرف سوالفها
اسيل::راح اسوي بس لخاطري لان جوعانه ومشتهيه زلاطه وتمن
مريم::ديله المهم تسوين بعد مومهم لخاطر منو
نفخت بضجر وراحت تسوي واني كملت التمن وامي سوت العدس والكبه والكباب عروگ كملنه كلشي ونقلناهن على السفره وگعدنه ننتضر الاذان
روسلين::اني هاذا المؤذن ماارتاحله ابد من اول يوم رمضان كلتلكم هدوني عليه خلي افطر بي بس اخخ منكم يا اعداء الشر
مريم::باتمان اكرمينه بسكوتچ لا اگوم اني افطر بيچ
ترف::چا يمه مگلتلچ شسوت هذاك اليوم لمن چنه ابيت غزل
مريم::عزه العزاني شسوت هالملطمه اني گلتلج كلتلج لاتاخذييهاا وياااج يفيد بيچن انتن شمسويه ولچن يمعزايه شمسويييهه
أنت تقرأ
ضالمه ومضلومه🎭
Mystery / Thrillerقصـه حقيقيه:بقلمي انا شهد عبدالله فتاة شرسه وقاســيه تضلم وتنضلم تعيش في عائله مشتته لااحد يحبها غير ذاتها تحُبُ ذاتـهـا كثيراً ولاتبالي شيئاً تواجهه الكثير من الاعداء والمكارين..
