وتوڪل على العـزيـزِ الرحـيـم.. 💚....
.
.
.
.
.
بقيت اباوع عيوني غوشت گمت وگفت على حيلي واباوعله معقوله دااحلم لو حقيقه اتلفتت ردت اگول لـ شفاء ملگيتها دورت عليها بعيوني شفتها تخابر يم الشجره وصميم واگف يمها وحاتم گاعد بصفهم عالمصطبه ورفل گاعده بالمرحوحه وتصور انداريت على الي سبه گلبي
(يونس)اخخ شگد مشتاقتلك تمنيت اركض واحضنه حييل واگله شگد اني مشتاقتله تمنيت اگدر احاچي واگله اني مو اختك تمنيت اگدر اگله بعدني احبك بس ماگدرت ماگدرت اواجها فضلت انو نبقى بعاد عن بعض احسن ماريد اتعبه وياي اوف اوف يونـسي شصاير بحالك يبعدي منتهي ضعفان حيل ولحيته طولانه وشعره طولان ولابس كله اسود اجه باتجاه المكان الي واگفه بي بس مچان يباوع گدامه چان مركز بالتلفون رأساً خليت الشال على وجهي تلثمت بي وردت اروح بس مالحگت عبر من يمي وخانتني عيوني وراحت اله باوعت بعيونه واني ملثمه رفع راسه واجت عيني بعينه ماگدرت اروح ولا انزل عيني بس چنت اريد اشبع نضري منه چنت اريد اكحل عيوني بشوفته ماچنت أعرف انو راح يعرفني من عيوني ردت اروح بس جمدت بمكاني لمن گال بهمس واندهاش
يونس::ز زينب
وگفت بمكاني ودموعي شلال انداريت عليه بهدوء باوعت بعيونه لثواني وگلت بغصه
زينب::عـيـونـها
فتح عيونه بصدمه وضهرت شبهه ابتسامه على وجهه
يونس::م مو حلم هاذا مو حلم صـ صح
هزيت راسي واني ابچي وخرت اللثام وباوعت بوجهه
ابتسم ابتسامه چبيره ضهرت اسنانه
زينب::يونس
يونيس::يـ لوعـته لـ يونس انتِ
زينب::شـ شلون عرفتني واني ملثمه؟
ابتسم بحسره وگال
يونس::ملثم من تـمر ماعرفك تريد؟
اعرفك لو تحط على اسمك الثـام!
زينب::ضَنيتك ناسينـي وناسـي عيونـي ماضَنَـيتـك فاگـدنـي وحافـض حته رسمةة اجـفونـي..
يونس::مو آنه الينسـى عيونچ ولا الجفن آنه الراسم برائتهن بنص رسمةة عيونـي..
زينب::يـ يعني ماناسيني ولا ناسي عيوني؟
يونس::انسـى عيونـي وماانسـى عيـون زينَبـي
وانـسى روحـي وماانسه أصغر تفصيله بـ زينَبـي
اندارينه على صوت شفاء
شفاء::شديصير هنا لككك شعندك وياها كلب شتـ
جمدت بمكانها لمن اندار عليها بقت تباوع بوجهه گالت بشرود
شفاء::يـ يمكن العصير شوي اثر على عيوني گمت اخربط
ضحك يونس وحضنها حيل ورفعها من الگاع مچان يدري انو هيه مو أخته حضنته حيل وگامت تبچي
شفاء::يـ يونس والله العضيم ممصدگه م معقوله يعني م مو حلم اخخ شگد مشتاقتلك ياخويه والله العضيم روحي رايحه عليكم
أنت تقرأ
ضالمه ومضلومه🎭
Mystery / Thrillerقصـه حقيقيه:بقلمي انا شهد عبدالله فتاة شرسه وقاســيه تضلم وتنضلم تعيش في عائله مشتته لااحد يحبها غير ذاتها تحُبُ ذاتـهـا كثيراً ولاتبالي شيئاً تواجهه الكثير من الاعداء والمكارين..
