ضالمه ومضلومه🎭

بارت7

شـِفت بـِ عيونك امـَان وسَلمت أمـَري🤎🪐.
.
.
.
.
.
.
.
نزلت جوا وچان اشوف 3شرطيين بالصاله وثنين يم الباب وخاله سعاد تبچي وابويه يحچي وياهم وخواني كلهم واگفين ومرت ابويه مستنده عالباب ولازمه بطنها وتباوع وانه نزلت كفشتي واصله لابو موزه والتيشيرت مهدل ولابسته بالمگلوبي والبجامه وحده

صاعده وحده نازله وجهي كله اثار ضرب طارف شفتي مجروح وفوگ حاجبي هم وراسي من الصفحه هم مجروح وايدي كلها اثار صونده واثر الصوط ورجلي هم كذالك..

اندارو عليه وبقو صافنين واحد يباوع بوجهه الثاني وابويه گام يبلعم واني مو يمهم أصلاً بالي يم زينب ومن شفت الشرطه خرطت العافيه بقيت أنه اباوع عليهم وهمه يباوعون عليه

عدنان::شفاء بابا شنزلچ ليش نزلتي ماكو شي بابا ماكو شي جايين ياخذون سعاد لان صاير ابيتهم جريمة قتل رجعي نامي بنيتي موزين عليچ توگفين هواي جروحچ بعدها ماطابت

يحچي ويرفعلي بحواجبه يعني اسكتي وصعدي فوگ بس انه شيسكتني

شفاء:: الله عجبتني يعني شيصير لو تبقه هيچ

يوسف::شفاااء كافي گنالچ رجعي نامي ماكو شي

العسكري::المحروسه بنتك

عدنان::نعم سيدي بنتي وهذول خوانها وهاي مرتي

العسكري:: شو ماتشبهه احد بيكم

صبيحه::ليش عدها اربع عيون لو عدها خمس رجلين

شفاء::لا يعيني ماعندي اربع عيون عندي عيون ثنين عاميات عله عيونكم كلكم

صبيحه::اشو انتي مصدگه روحچ كلش

شفاء::وليش مو حقي اشوف روحي عندچ مثل عيوني الخضر لو مثل طولي ورشاقتي لو مثل بياضي لو عندچ مثل شعري الاشگر

وغمزتلها لان هيه ماعدها شعر گصيته الها

صبيحه::صحيح شگلچ ينطلع بي بس دمچ مسموم مانتحبين ابد ولاتنبلعين

عدنان::كاافييي جهال انتن

العسكري::احنه نترخص

اخذو خاله سعاد وطلعو طلعت ورحت وراهم مشي لبيت خاله سعاد لان بيتهم مو حيل بعيد علينه وصلت وشفت خاله سعاد گاعده تواسي صديقتها وانه رحت ركض عله زينب الي مگرفصه بالزاويه وتبچي عبرت من بين العساكر الي كلهم عيونهم صارت عليه شافتني زينب رأساً وگفت وحضنتني وزادت بالبچي طبطبت عله ضهرها وخرتها من حضني ومسحت دموعها