ထမင်းစားခန်းက တိတ်ဆိတ်လို့သွားတယ်။
စူးယွီကျုံးတစ်ယောက် စု့ချန့်ရဲ့ မျက်မှောင်တွေ ကြုံသထက်ကြုံလာပြီး ထူးဆန်းလာတဲ့ပုံသဏ္ဍာန်ကြောင့် သူခပ်ဟဟရယ်လိုက်ပြီး " နောက်တာပါဗျာ၊ ဘယ်လိုလုပ်သူဌေးကြီးကို မီးဖိုချောင်ဝင်ပြီးချက်ပြုတ်ခိုင်းလို့ဖြစ်မလဲ။ "
စု့ချန့်လူငယ်လေးရဲ့အပြုံးတွေကိုမော့ကြည့်ရင်းနဲ့ ဘယ်လိုဖြစ်တယ်မသိ စိတ်ထဲမှာတစ်ခုခုနဲ့ အဖိခံထားရသလိုမျိုးမတင်မကျနဲ့ဖြစ်လို့နေတယ်။
" ကိုယ်ညနေပိုင်းမှာ အလုပ်လုပ်ဖို့ရှိသေးတယ်။ "
သူဒီလိုပြောလိုက်တာက စူးယွီကျုံးကိုလက်ခံအောင်အကြောင်းပြပေးတာနဲ့တူနေသလို ကိုယ့်ကိုယ်ကိုယ် အကြောင်းပြချက်ပေးနေတာနဲ့တောင်ပိုတူသေးတယ်။
" အွန်း၊အွန်း .....။ "
စူးယွီကျုံးခေါင်းညိတ်ပြီး သိကြောင်းအသံပေးလိုက်သော်လည်း လူကတော့ ပန်းကန်ကိုမပြီး ဆက်ပြီးတော့စတင်ကာပြန်လည်စားသောက်နေပြီဖြစ်တယ်။
သူ(စူးယွီကျုံး)စားရတာအတော်လေးကိုအရသာရှိတယ်။ မျက်ဝန်းတွေထဲမှာလည်း သူ့ရဲ့အစားအသောက်အပေါ်မှာထားရှိတဲ့ သစ္စာတရားနဲ့ အရသာအပေါ်ကျေနပ်မှုတွေနဲ့သာ ပြည့်လျှံလို့နေတယ်။ ကြည့်ရတာတကယ်ကို အတော်လေးဆာလောင်နေခဲ့ပုံပင်။
(စူးယွီကျုံး = အစားတလိုင်းအယ်လ်ဖာ = အစားနှင့်အဝယ်ခံရနိုင်သူ = အစားကြောင့်ကျေကျေနပ်နပ်ကြီး အောက်ရောက်သွားသူ )
သို့ပေမဲ့လို့ သူ(စူးယွီကျုံး) စားသောက်တဲ့အခါ တကယ်ကိုပဲလူကိုကူးစက်စေတယ်။အထူးသဖြင့် ကောင်းပေါ့ညွှန့်ပေ့ဆိုတဲ့ အရသာနဲ့ ရှားပါးလှပါတယ်ဆိုတဲ့ ပင်လယ်ရတနာမျိုးကိုတောင် ငြီးငွေ့အောင်စားလာတဲ့ ထမင်းစားတာကို အလုပ်တာဝန်တစ်ခုလို့သတ်မှတ်ပြီးစားလာတဲ့ စု့ချန့်တောင်မှ သူ့စိတ်ရဲ့ ဟိုးအနက်ဆုံးနေရာကနေလာတဲ့ စိတ်ဆန္ဒတစ်ခုကိုခံစားလိုက်ရတယ်။
ဒါပေမဲ့လို့ စူးယွီကျုံးက စားတဲ့နေရာမှာပဲအာရုံစိုက်နေပြီး သူခုနလေးတင်မှ ရှင်းပြလိုက်တဲ့စကားကိုဖြစ်သလိုပဲ ရောသောဖောသောနဲ့ အင်းလိုက်တာကိုမြင်တော့ စု့ချန့်တစ်ခါနင်သွားသလိုခံစားလိုက်ရပြန်တယ်။
STAI LEGGENDO
小甜A誰不喜歡？( မြန်မာဘာသာပြန် )( Unicode )
Storie d'amoreဒါလေးက ပုံမှန် ABO Fic တွေနဲ့ ဆန့်ကျင်ဘက်ဖြစ်တဲ့ OA Ficပါ။ စာရေးသူ Zuì ài méizi jiǔ { 最爱梅子酒 } ဖန်တီးမှုလက်ရာတွေကတစ်ခုဖြစ်ပြီး အပိုင်း104ပိုင်းရှိပါတယ်။ တစ်ပုဒ်လုံးကို စကားတစ်လုံးနဲ့ပုံဖော်ရရင် ချိုတယ်ဆိုတာပါပဲ။
