حمامة بغداد

مُقتطفــات ...🔱

_____________________________________⚜️
اسرع بخطواتي صرت شُبه اركُض گلبــي يدُگ سريع خوف ورهبة رجفتـي تزيد كلما
زادت سُرعة السيارة الوراي شويه ما احس بروحــي غير اركُض بكُل سُرعة عندي اركُض اريد اصل بيتنا
شجاني طلعت ليش ما انتظرتة يجي ثواني ونحضن جسمي من ورة انتفضت متخبلة
ادفر واصوخ كمم حلگي بقُطعة بيضة قاومت ماريد اتنفس اختنگت كُلش الما سحبت نفس غصباً عني وماحسيت بعد غير ...

________________________⚜️
جمد جسمي بتصلب راحت روحــي رجليه ماتن اريد اغلط نفسي اني ماسمعت طلقات
ربي توني ودعتة عندك يارب مو هو طلعت بخطوات ثقيلة رجليه وحدة طُگ بالثانيه انتهيت فتحت الباب
وتوسعت عيوني واني اشوفه ممدود بطولة بوسط الشارع والدم مغرگة ومغطي ملامحة تمشيت اشهگ النفس سحبت راسة
لوسط حُضني ما مستوعة صرخت بعالي صوتي مــن ...

_________________________________⚜️
اباوع بوجهه اصفر ومرتبك يلم بملابسة بعشوائية ميعرف شنو يشيل منهن امي تتوسل بي تريد تعرف وين حيروح
واني عيوني تركُض ورا بفضول امرة مو طبيعي واضح مسوي شي سد الجنطة والتفت عليها واردف بصوت يرتجف ...

:-شغل خارج المحافظة ليضل بالچ

تركنه وطلع وامي تركُض ورا متوسلة بي مسحت وجهي بقوة طلعت وراها اباوعله ركب السيارة وشخطها وطلع فزيت من ماما تخربطت گدام عيوني لا تحرك ايد ولا رجل ...