حمامة بغداد

الريشــه-2-

نَم قريـر العيـن فمـا كـان ربُـك نسيـاً ...

الريشــه-2-

قــراءة مُمتعــه ...♥️

جُلنــار ...

-ايد نمدت ؏ خصري فزيت مخروعه ابتعدت جسمي كاش باوعت ولد مُراهق خزرته غُمز واردف بتلاعب ...

:-شگـد اليلـة

جُلنــار:بسعر امك يا خايس

-گلبــي وجعني ؏ نفسي شون ينگال بحقي هالكلام ابتسم ووگف بصف الدرج نضرات قذرة التفتت الناس ملتهين وهو ورا ختله
تقدمت بخطوات ماكره مبتسمه بجُرئه نضرات الفرح بانت بعيونه مُجرد ثواني ودُفرته دفره قويه وگع ؏ البايات يتلوه
عفته وفتت للمحل يم امي واردفت بـ استعجال ...

جُلنــار:يله ماما بسُرعه حبابه

ام حاتم:شبيچ يا يمه دصبري هسه

جُلنــار:اختنگت حبابه يله

ام حاتم:ايي هسه ثواني

-كملن ورجعنا للبيت صح اخذت حقي بس ضل گلبــي يوجعني وصلنا البيت اخذت غراضي وصعدت مخنوگة
ذبيت الغراض اخذت ملابسي وفتت للحمام كارهة نفسي وجسمي الاكبر من عُمري من واني طفلة اتعرض للتحرش بكُل انواعه
تعبت وكرهت كُلشي وصغرت الدنيا بعيني فتت اغسل بجسمي رغُم بس داس خصري ومن فوگ الملابس
بس قرفت كرهت نفسي بچيت بالحمام الما تعبت وعيوني ورمن
طلعت نشفت شعري وتغطيت ونمت وره فترة فزيت نفس ؏ الكابوس اختنگت كُلش گمت الغُرفة ظلمة فتحت الباب البيت هدوء باوعت الساعة بـ ٢ بليل عيوني راحت ؏ غُرفة حاتم ضواها مطفي ماعندي غيره عليمن اروح
دموعي وگعت تقربت دگيت الباب مرتين نفتح شعره مبعثر والنعاس بعيونه باوعلي مسح وجهه واردف ...

حاتم:هاا يـروح حاتم شبيچ

جُلنــار:اختنگت كُلش خايفة بابا

حاتم:تعاي بنياتي

-سحب ايدي ورجعنا لغُرفتي لازم ايدي واني اشهگ وابچي وكُل شويه ينعاد المشهد براسي
تمدد بسريري وسحبني بحُضنة طگيت بچي مسح شعري بهدوء واردف ...

حاتم:احچيلي واذا مابيچ نعوفها لباچر نسولف

جُلنــار:اني ماريدها تجيني بالحلم تعبت كُلشي ينعاد بـ احلامي جاي اموت بابا ولله