حمامة بغداد

الريشــه-35-

إلجأ إلى السماء فهناك من سيستجيب لك

الريشــه-35-

قــراءة ممتعــه...♥️

جُلنــار ...

-ركضت عليه واگع وخشمة ينزف دم طبطبت ؏ خدة بخفة اريد بس يصحى جبت ماي مسحت وجهه يون من راسة حُضنتة ابچي بصوت عالي بستة بشفايفة وهمست ...

جُلنــار:خلص ما اطلع ولله بس اهدئ وگوم فدوة

الخنجــر: حمــامـة..اموت اذا احد يباوعلچ بنظرة وصخة انتهي

جُلنــار:خلص خلص بعد ابقى بالبيت وما اطلع اذا هيچ تتأذة حبيبي

-ضم وجهه بصدري لطخني دم بس ميخالف بس يهدئ سحبتة عليه احضُن بي وابچي خايفة
شويه وگمت ساعدتة گعد ؏ الكُرسي شاغت روحــي من وجع ظهري ونيت ابچي من عنده لاحظ سحب وجهي عليه عيونة ذبلانة من وجع راسة مسح عيوني واردف...

الخنجــر:شبيچ شو وجعچ ظهرچ مو

جُلنــار:دزلي ؏ علاج ولله موتني وجع وماگدر اطلُب من احد استحي

الخنجــر:هسه وجعچ من ساعدتيني مو

جُلنــار:لا من قبل ما اجيك هو يوجعني راح اموت من عنده

الخنجــر:اهدي تمددي هنا هسه اخابر هذا الزمال يجيبلچ نامي

-هزيت راسي بـ لا طلعت سويتلة گلاص ليمون ورجعت شربة وغسلت وجهه گمت غسلت وبدلت ورجعت لگيته متمدد بسريرة تقربت نمت ؏ ظهري اشهگ من الوجع سحب جهازة
دگ ؏ ســلام وطلب يجيبلة علاج مال ظهر ومرهم
سد الاتصال باوعلي ساكت درت جسمي منطيتة ظهري جر حسرة ساكت شويه ونهض ؏ حيلة جر كُرسية وطلع من الغُرفة بچيت هواي تندمت لان جيت هنا لو باقية يم ابني وعايفتة مثل الچلــب هو يرجع النا احسن عفت وليدي سودة عليه وحدة ولو هو همّ چلــب مثل ابو
شويه وندگ الجرس اسمع ســلام يحچي ويا ؏ العلاج شويه وراح
فات للغُرفة واجة بـ اتجاهي حط العلاج واردف...

الخنجــر:الحبوب ورة الاكل تريدين احطلچ المرهم هسه حتى يهدئ الوجع