حمامة بغداد

الريشــه-36-

عندما تعتقد أن كُل شيء قد إنتهى
فإن الله يخلق لك طريقاً لتبدأ من جديد

الريشــه-36-

قــراءة ممتعــه...♥️

جُلنــار ...

-فتحت عيوني بتعب وين اني التفتت امي و رغـد واميرة بلعت ريگي صوتي مشخط عطشانة حطيت ايدي ؏ بطني بخوف همست ...

جُلنــار:ماما ابني

ام حاتم:لتخافين زينة صحتة بس انتِ صار عندچ هبوط حاد لان متاكلين

جُلنــار:حيــدرا وينة

رغـد:برة يم حاتم وعمو لتخافين

-هزيت راسي گلبــي مقبوض ضليت هادئة وساكتة جابتلي ماي اميرة شربت رجعت الگلاص واردفت ...

اميرة:جوعانة نجيبلچ اكل

جُلنــار:رجعوني للبيت

ام حاتم:بس يكمل المغذي

-هزيت راسي انفتح الباب وفات حيــدرا ورا حاتم وعمو باوعت للتيشيرت عليه قطرات دم
عرفتة شاط عليه اجة حُضني بكُل قوتة ساكت ماحچينا شي بس كمل المُغذي
طلعنا للبيت فتت نار بگلبــي بس بلعتها وسُكتت هاي حتى حاتم مد ايدة عليه وهذا اكثر انسان يعرُفني هو الخنجــر تخلة عني وعن ابني بحُجة مشلول ضلت ؏ حاتم
نمت بسريري وغطتني امي رغـد اسمعها تگول اضل هنا هي وامي واميرة رجعت هي وعمو مَهتميت ابد ونمت حسيت ؏ حيــدرا اجة بحُضني ضميتة ونمت
گعدت العصر غسلت وصليت وطلعت لگيتهم يشربون چاي گعدت يم رغـد مسحت ؏ شعري واردفت ...

رغـد:باچر نروح للدكتورة حتى تتأكدين ؏ صحة الطفل

جُلنــار:ان شاء الله بس ادري اني راح اكمل شهرين بحملي

ام حاتم:ميخالف يمة حتى تتأكدين زين وتسوين سونار

-هزيت راسي بـ اي ضليت نايمة ؏ رجل رغـد راحت شويه ورجعت صابتلي اكل گعدت اكُل علمود الطفل بس ماريدلة اذية ماريد يتعب باوعت لـ رغـد واردفت ...

جُلنــار:وين راح حيــدرا

رغـد :راح يم صديقة ضايج

-سُكتت كملت اكل شلتهن وغسلتهن مخنوگة طلعت برة گعدت ؏ المرجوحة كُل زاوية بهذا البيت تاخُذ من حيلي هالگد البيت متروس ذكريات نزلن دموعي بدون وعي رُفعت راسي للسماء ورددت اكثر من مرة ...