حمامة بغداد

الريشــه-39-

إنَّهُ الله.. يَنتشلك في اللحظة الأخيرة.

الريشــه-39-

قــراءة ممتعــه...♥️

جُلنــار ...

جُلنــار:منو تريد

ســلام:جنـة اخت الخنجــر

جُلنــار:احسن اختيار ان شاء الله احچي وياه ونخطبها الك اني وامي

ســلام:اذا ميقبلون ما اتزوج لان هي انسب وحدة شفتها

جُلنــار:لا تقلق ولا تشيل هم يقبلون ان شاء الله

-هز راسة سلم وراح دخلت باوعلي الخنجــر واردف...

الخنجــر:شيريد منچ

-تقربت رجعت شعرة بيدي وهمست ...

جُلنــار:بليل اسولفلك

الخنجــر:احچي راس النقطة راح يضل بالي

جُلنــار:يريد يتزوج

الخنجــر:ايي خوش ما گال منو يريد

جُلنــار:گُتلك بليل اكملك

-هز راسة باس بطن ايدي ابتسمت گعدنا نتابع تلفزيون شويه واندگ الجرس راح فتحة حيــدرا اهلة اجوي طلعنا رحبنا بيهم احب من يجون جيتهم تونس
طلع الخنجــر وياي ؏ العكازة الرُباعية شافو اخوانة ضحك دلهام واردف...

دلهام:لا مبين مرتاح مزين لحيتة ويمشي بالعكازة

ابو صهبان:ها مريش اليوم

الخنجــر:طگونا عين بعد

زُهير:ما صدگنا ترجعون يمعود نوب نطگكم بعين هسه ترقيكم ام ادم

رغـد:يدللون يابه

-ضحكنا دخلو جوة گعدوا جبت ماي وضيفتهم والگعدة وياهم متنمل ابد
للـ ١٢ راحو دخلت رتبت الصالة و حيــدرا يغسل مواعين الضيافة
كمّلت الخنجــر يفتر يقفل بالبوب ضحكت صاير مثل الشايب يقفل ويطفي بالاضوية
كملنا فُرشت لـ حيــدرا وشُمر نفسة ونام
رحت للغُرفة بدلت بلبس خفيف وتمددت اجة هو نام بصفي وسحبني من ايدي وضمني بحُضنة
بستة بخدة مسح بطني واردف ...