حمامة بغداد

الريشــه -28-

لا تيأسنّ إذا اشتدّت بلاياكَ ففي السماءِ إلهٌ ليسَ ينساكَ

الريشــه-28-

قــراءة ممتعــه...♥️

جُلنــار ...

-مرت الايام والشهور بطني كُبرت وهسه اني بوسط الشهر السادس
الخنجــر طاير بيه من الفرحة ويحير شنو يسوي حتى يسعدني بدة الجو يُبرد والعام الدراسي بلش سوالي نقل وقرر يسويلي انتساب بس اني رُفضت ضايجة واريد اتونس بالدوام
بس هو عنده لا يعني لا وبوقتها زعلت عليه كُلش بس فهمني علمود ابني ميتعب واني هم ما اتعب تقبلت وصرت ادرُس بالبيت وهو اتفق ويه المُدرسات يجوني للبيت ويدرسوني المادة ويفهموني اكثر
اليوم خميس ومحد تجي من عدهن نزلت من فوگ
مُستمرة بالرسم وهواي لوحات رسمت خلت الخنجــر ينبهر كملت الدرج تعبت بطني ثگيلة لزمتها مبتسمة يتحرك بقوة داخل بطني
باوعتلة دخل جاي من دوامة العصر رحتلة ادعبل تقرب من عندي وباس راسي وخدودي واردف ...

الخنجــر:ليش مابدلتي تره الموعد ماضلة شي

جُلنــار:ماعندي شي هسه ابدل بين متسبح انتَ

الخنجــر:متحمسة

جُلنــار:كُلش اريد اعرُف ردة فعلك شنو

الخنجــر:اهم شي تمام الخلقة شيجي من الله الف الحمدلله عليه

-ابتسمت رُفعت روحــي بستة ضحك دخل يسبح طلعتلة ملابس واني هم طلعت لنفسي بدلت واگفة البس حُجابي طلع هو بدل كملنا سحب ايدي وطلعنا
اليوم موعدنا حتى نكشف جنس الطفل شنو توترت كُلش و گلبــي يرجف وهو كذالك وصلنا گعدنا ننتُظر شويه وصاحو اسمي دخلت وهو وياي گعدت تسألني عن صحتي
شويه وحولتني سونار نمت ؏ السدية غطاني بالشرشف ساعدني رُفعت ثوبي حطت جل ؏ بطني وبدت تحرك الجهاز اردفت ...

:-شنو مَبالكم جنس مُعين

جُلنــار:المُهم تمام الخلقة

:-خاف ابوها يضوج اذا طلعت بنية

الخنجــر:بالعكس افرح اذا جتني بنية اصلي شكر لله لخاطرها

:-اول مرة يجيني رجال متلهف ؏ بنية