حمامة بغداد

الريشــه-4-

لان الله عادل سيكون العوض معجزة

الريشــه-4-

قــراءة ممتعــه...♥️

جُلنــار ...

-گلبي يدگ ببلعومي من الخوف گدامي نفس الرجال بلعت ريگي عيونه تخوف لونهم غريب ماعرفته طويل كُلش اطول مني وچنه حايط من الضخامه غرغرت عيوني و اول مره هيچ اخاف ورجعت بخطواتي وره
ليش يخزر شيريد مني هذا درت عيني ورا واحد هم مثله نفس الهيئة بس هذاك اشگراني وبشرته مايله ؏ السمار رمشت بعيوني ردت انهزم لزمني من زندي بحركه سريعه انتفضت
بخوف تخبلت عليه وصرخت بصوت مشحرج من الخوف ...

جُلنــار:عوووفنيييي لااا تلزمنييي وخررر

-ابتسم بطرف شفته واردف بصوت خشن كزبر جسمي من كمية الجبروت والثقة البي...

:-انتِ اخته هههه مُلازم اول احمـد التيس

جُلنــار:لااا تحچيي عليه ماسمحلك وخرر عني

:-لا حمــامـة لاا ليش

-ضليت مصفصفه شمدري بيه وبلقبي واخويه فزيت من ضحك بصوت عالي كُلش رافع راسه لفوگ غاص من الضحك فجاة نزل راسه اليه وخزرني وهمس بصوت خافت ...

:-اقري زين وانجحي بابا

جُلنــار:شنو؟

-هدني وراح هذا شبي شنو اقري زين شيقصُد عفته ورجعت للبيت ركض من الخوف فتت وسديت الباب ونتچيت عليه انفاسي سريعه عبالك چنت بسباق ماراثون طلع حاتم
باوعلي مستغرب قرب راد يلزمني دفعت ايده وبچيت واني اصرخ عليه ...

جُلنــار:لااا تلزمني ممنوع تقرب منيي ممنوع

حاتم:شبييچ حمــامـة لتتخبلين

جُلنــار:راح تطلعني غلطانه مو متگول شون رجعت متگول شون اتركها ترجع وحدها ماتفكرون يصيرلي شي لو طُز بيه عادي

حاتم:سدي حلگچ گمتي تجاوزين جوة يله

جُلنــار:مو صوچك

-طبيت جوه اشهگ وابچي صارت بوجهي سيماف هزت ايدها واردفت ...

سيماف:خاف مثل ذيچ الوحده مسويه علينا مسكينه وفقيره الما جابت مصيبه اكبر من راسها