حمامة بغداد

الريشــه -7-

‏ثم يعوضك الله كأنك لم تخسر شيأ..

الريشــه-7-

قــراءة ممتعــه...♥️

جُلنــار ...

-فتحت عيوني مغوشه ووجع براسي احس روحــي مربطة اريد اتذكر لو استوعب اني وين وشصار غمضت عيوني بقوه حتى تتضح عندي الرؤية بلعت ريگي احس الدم نشف بعروگي
رجفة سارت بجسمي وگلبــي اني بمكان مثل الخرابة مقفل حتى شُباك ماكو بس باب حديد مسدود عليه المكان وصخ وريحتة تلعب النفس فوگي گلوب اصفر يخوف والذبان متعارك حواليه
مربطة ايديه ورجليه وجسمي كله ولاصق محطوط ؏ حلگي وگعن دموعي بخوف ضليت ارجف بمكاني شويه واسمع قفل الباب ينفتح متت خوف للحظة حسيت حموت هاهي ورقتي احترگت
دخلو شباب ثنين عبالك جايين من هجوم العمالقة هيئة اجسادهم ضخمة وطوال لافيت يشماغ ؏ وجوههم وبارزات بس عيونهم الاول عيونه سود كبار والثاني بالظلام ويلمعن ولونهم يخوف عبالك حاط گلوبات بعيونه من كمية الوضوح تقدم ابو عيون سود صار وراي وخلا ايده ؏ اكتافي تحركت متنرفزه اريده يوخر ثبتني بيده الضخمة تقدم الثاني ميل راسة لليمين بطريقه مجنونة
خلتني اصرخ بكتمة تقدم شلع اللاصق بقوه حسيت شفايفي تشلعت وحراره نزلت منهم
بچيت بصوت مرعوبه منهم ...

جُلنــار:گلبتولي العطلة سم شتريدون مني ماعندي شي

-ضحك الورايه بصوت عالي واردف ...

:-تؤ تؤ هامتچ العطلة مو

جُلنــار:وخر ايدك لا اكسرها الك وراي خمس زلام اذا عرفو بوجودك يحرگوك وانتَ عايش فتهمت

-اردف المقابيلي باستهزاء بصوت خشن احس روحــي سامعته قبل ...

:-سمعت وراها خمس نسوان يسووك تكة لحم وانتَ عايش

جُلنــار:تروحلهم فدوه المُجرم ابو الوصخ مگدرتك ؏ النسوان روح واجههم لو تخاف تنعلس

-ضحك بصوت عالي كزبر جسمي بلعت ريگي اخزر بي باوع للورايه ورجع باوعلي خلا ايده ؏ جوانب الكرسي وصار وجهه قريب من وجهي وهمس ...

:-احمد وين

جُلنــار:بجيبي شمدريني اني

:-تحشش الخاتون يابه

:-اخر مره اگلچ احمد وين